Read Timugon Murut MAZMUR 48 Bible Online

MAZMUR 48 - Timugon Murut bible

MAZMUR 48

¹Mazmur ru bansa' ri Kora.

²Matulai toojo TUHAN am omporon giu' ra bandar ri Aki Kapuuno' takau, ra tampak ru bulur Nano ondo' matulai.[31]

³Sion, bulur ri Aki Kapuuno', masawat am maantak; bandar ru Raja' ondo' matulai mapabansuk ra titikop ru tana' ti!

⁴Ralalom ru bandar Nano ra makakubu makapamayagan, sabap ri Aki Kapuuno' soroi ra giu' no.

⁵Ngaangai' raja' tumimung am matong mongoi pamuso ra Bulur Sion.

⁶Makatigog ilo magilong ra bulur no, nalaa' ilo am nagiru'.

⁷Monontol ilo malaa', mangarualan ilo koson ra ruandu' matipaganak,

⁸koson ilo ra kapal ondo' naayat ru rosob.

⁹Atan ondo' norongog takau, ragino nakito takau, giu' ra bandar ri Aki Kapuuno' takau, TUHAN Ondo' Maayo Kaga' Kuasa'. Bandar raginio bandar ri Aki Kapuuno' takau; alungin No bandar raginio ra sabuoi-buoi No.

¹⁰Iou Aki Kapuuno', ralalom ru Baloi Muno, guangon mai togom Muno.

¹¹Inggalan Muno nakatanou am omporon ra titikop ru tana' ti, namarintaan Muno matimpok.

¹²Polosoon noyo minayan ra Sion am Jiuda maansukan, sabap ra natimpok nangakiman Muno.

¹³Akau ulun ri Aki Kapuuno', liput kau ra Sion am untobo' manara ra giu' no,

¹⁴imansaa' min timbok am urioo' kubu ru bandar no, maa' raginio maalap min katunung ra anak-anak bagu ra matong ti

¹⁵ra Io noyo i Aki Kapuuno', i Aki Kapuuno' takau ra sabuoi-buoi no; Maningganai Io ritakau ra sabuoi-buoi no.