Read Timugon Murut MAZMUR 53 Bible Online

MAZMUR 53 - Timugon Murut bible

MAZMUR 53

¹Ra tingganai santimungan maririmbai. Sumugut ra rimbai: Ri Magalat. Sisindiron ri Daut.

²Ulun budu mindagu ralalom ru guang, “Kolondo' i Aki Kapuuno'!” Mangalaat ilo ngaangai' am binaal nilono malaat kaga', kolondo' sangulun pana mambaal ra moonsoi.

³Intor ra suruga' manginduku' i Aki Kapuuno' magilong ra ulun koson maguyum ra ulun mapintar ondo' sumamba Riso.

⁴Kaa' ngaangai' ulun tumalansiang noyo am nakalayau, kolondo' sangulun pana mambaal ra moonsoi.

⁵Nangkuot i Aki Kapuuno', “Kalo kia nakapandai ulun malaat no? Kaayagan nilono manalingaau ayuk ra ulun Kuno, am kalo igondo' pakiasi' Raki'.”

⁶Kaa' mangalaa' ilo boo, kabalu' pana kolondo' ulun mangingilaa' risilo, sabap ra gagayon ri Aki Kapuuno' bungul ru pantula' ru ulun Nano. Inimpayan ri Aki Kapuuno' pantula' ru ulun Nano, Israil pana mampaala ra pantula' nilono.

⁷Gama' pamayagan ra Israil rumatong intor ra Sion! Paat ri Aki Kapuuno' mapasauk ra ulun Nano lumangkaya' saguli', ngaangai' ulun ru Israil maansukan.