Read Timugon Murut MAZMUR 58 Bible Online

MAZMUR 58 - Timugon Murut bible

MAZMUR 58

¹Ra tingganai ru santimungan maririmbai. Sumugut ra rimbai: Pai' pusoo'. Mazmur ri Daut.

²Akau mangunguasa', natimpok kia namalantasan mino?[37] Paat ra akau mangukum ra ulun, natimpok kia?

³Kalo! Malaat ayuk karaan mino, am ra pagun ti masaga' kau mambaal ra kalaatan.

⁴Ulun malaat makalayau saboi ra ilo matoi; intor ra kakaanak noyo ilo mamparuung.

⁵Makatuwo ilo koson ra kukuo makabisa'; silongon nilo talingo koson ra kukuo mantakag ondo' mabarat

⁶ondo' kalo mangkirongog ra ragu ru pawing, kapoam mambabasa' ra mantera ondo' mapandai.

⁷Pandako' ripon ru singa' ra mangamulok no, iou Aki Kapuuno'; bubulo' bulangiu ru singa'-singa' no, iou TUHAN!

⁸Polosoon ilo matatak koson ra bolobou, am lumonot koson ra sakot ra kikirawin.

⁹Polosoon ilo koson ra tuntul ra makalangou, am koson ra lalagang marayus patoi ondo' kalo poyo nakakito ra sinda.

¹⁰Ra kalo poyo makatutun ilo, totokon ilo koson ra sakot; ralalom sangit No, maayag ayuk poyo ra ilo patirin ri Aki Kapuuno'.

¹¹Paat magilong ra ulun makatula ukumin, ulun mapintar maansayan, am mambagu' ra kalayam ra raraa' ru ulun nausung.

¹²Ulun mindagu, “Maaru' ulun moonsoi makaapu ra balos moonsoi; maaru' soroi i Aki Kapuuno' ondo' mangakim ra tana' ti.”