Read Timugon Murut MAZMUR 62 Bible Online

MAZMUR 62 - Timugon Murut bible

MAZMUR 62

¹Ra tingganai ru santimungan maririmbai. Sumugut ri: Jidutun. Mazmur ri Daut.

²Kalinuos kuno ayuk maginaa ri Aki Kapuuno'; Io ayuk mamayag raki'.

³Io ayuk manindung raki' am mamamayag raki'; Io noyo manungka' raki', am kolondo' makapangala raki'.

⁴Saboi sanggilan akau ngaangai' mongoi pangayou ra sasangulun ondo' kalo maikang koson ra pagar matikaaba', am koson ra rinding nantiging?

⁵Masaga' kau ayuk mamparatu' riso intor ra intok maatang nano; masaga' kau magabau. Kabang mino mambarakat, kaa' guang mino magulas.

⁶Kalinuos kuno ayuk maginaa ri Aki Kapuuno'; Io ayuk manaak raki' ra kalansanan.

⁷Io ayuk manindung raki' am mamamayag raki'; Io noyo manungka' raki' am kolondo' makapangala raki'.

⁸Pamayagan kuno am kaatangan kuno lumansan ri Aki Kapuuno'; Io noyo manindung raki' ondo' maikang; Io noyo intok sindungan kuno.

⁹Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

¹⁰Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

¹¹Pai' lansani' ampos ru mangimbolo'; pai' pangimansan ra kandoi mantakou ayuk, kabalu' pana kinalangkayaan mino rumuang, pai' lansani' ginio.

¹²Ingkula' aku no pokorongog ra ragu ri Aki Kapuuno' ra ngaangai' ru kuasa' intor Riso,

¹³am ra togom Nano mantilayun. Okou, iou Tuhan, mambalos ra ngaangai' ulun sumugut ra baalon nilono.