Read Timugon Murut MAZMUR 63 Bible Online

MAZMUR 63 - Timugon Murut bible

MAZMUR 63

¹Mazmur ri Daut, paat io giu' ra tana' kaagisan ru Jiuda.

²Iou Aki Kapuuno', Okou noyo i Aki Kapuuno' kuno, moondom aku Rirun. Koson ra tana' mapua' paason ra timug, koson raginio niayuk paason aku Rirun.

³Iowo' aku magilong Rirun ra Baloi Muno, am niayuk magilong ra kuasa' am katulayan Muno.

⁴Togom Muno mokologo intor ra kaayagan, ginio ra mongompor aku Rirun.

⁵Maringkuanang aku Rirun buoi ru kaayagan kuno; painsawaton ku longon liliwa' makiasi' Rirun.

⁶Salibuor kuno binasug am jinala', am rimbayin Tokou ra rimbai-rimbai mongompor.

⁷Bulintok aku miluluya' ra katil, makara' Tokou; masuaban aku mangkara' Rirun,

⁸sabap ra masalok Kou mangindangan raki'; maansukan aku marimbai ra saau ru kawo Muno.

⁹Gumuut aku toojo Rirun, kalindu' Muno ra maikang manungka' raki'.

¹⁰Ulun ondo' mangkinam mampatoi raki' mongoi subol ra pagun ru ulun namagatoi;

¹¹potoyon ilo bulintok ra mangayou, am baangkai nilono akanon ru taani.

¹²Maansukan raja' no sabap ri Aki Kapuuno' napamanang riso; ngaangai' ulun ondo' nampator ralalom inggalan ri Aki Kapuuno' maansukan, kaa' bolos ru ulun magabau palinoson.