Read Timugon Murut MAZMUR 72 Bible Online

MAZMUR 72 - Timugon Murut bible

MAZMUR 72

¹Intor ri Raja' Salomo. Iou Aki Kapuuno', pailaa' ukum Muno ra raja', pataako' katimpakan Muno riso,

²maa' raginio raja' no mamarinta ra ulun Muno ra kabanisan ru guang, am matimpok pakuan ra ulun ondo' inimpayan.

³Gama' ru pagun ragitio lumangkaya', am makaliman ra katimpakan.

⁴Gama' ru manungka' raja' ra ulun musikin, mangindangan ra ulun musikin am niayuk mangala ra ulun mangimbolo' risilo.

⁵Gama' ru ulun Muno sumamba Rirun buoi ru mato ru orou sumirang, buoi ru bulan makasinda, ra sabuoi-buoi no.

⁶Gama' ru raja' koson ra rasam rumatu' ra limayak, koson ra timug ru rasam manimug ra umo.

⁷Gama' ru katimpakan makatanou ra buoi ru raja' maayag, am kinalangkayaan mantilayun buoi sinda ru bulan.

⁸Karajaan nano liminangka' intor ra raat mongoi ra raat, intor ra sungoi Iprat saboi ra pompor ru tana'.

⁹Namagun ra tana' kaagisan kumuku' samba ra saang nano am pantula' kuasaan no.

¹⁰Ngaangai' raja' ru Tarsis[48] am ngaangai' pulu' mapataak riso ra tangguang; ngaangai' raja' ru pagun Syiba am Siba[49] manaak niayuk riso ra tangguang.

¹¹Ngaangai' raja' migulatur samba ra saang nano, am ngaangai' bansa' sumauk ra ulipon nano.

¹²Raja' mamayag ra ulun musikin ondo' mampiau riso, am niayuk ulun ra inimpayan am ulun makakapaganan.

¹³Raja' makaasi' ra ulun musikin am niayuk ulun malawo, am mamayag ra ulun balabag.

¹⁴Raja' mamayag risilo intor ra pangimbalaan am pampatayan; kaayagan nilo mokologo toojo riso.

¹⁵Kaayag noyo raja'! Gama' ru paapuon raja' no ra mas intor ra pagun Syiba; gama' ru pakiasian koson riso mantilayun ayuk; gama' ru barakaton raja' no ri Aki Kapuuno' ra sabuoi-buoi no!

¹⁶Gama' ru makabujuk bilor no ra titikop ru pagun; gama' ru matitip bulur no ra tatanom, koson kinalabung ru tatanom ra Libanon. Gama' ru mososok bandar no ra ulun, koson ra sakot tumuu' ra limayak.

¹⁷Gama' ru sabuoi-buoi no inggalan ru raja' karaan, am sasabiton inggalan nano mantilayun koson mato ru orou. Gama' ru ngaangai' bansa' makibarakat koson ra raja', am ngaangai' ulun manabit ra raja' makakaansukan.

¹⁸Omporo' noyo TUHAN, i Aki Kapuuno' ru ulun ru Israil, Io ayuk mambaal ra baal-baal ra makaimuag toojo.

¹⁹Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

²⁰Gini noyo pakiasian ri Daut anak ri Isai.