Read Timugon Murut MAZMUR 77 Bible Online

MAZMUR 77 - Timugon Murut bible

MAZMUR 77

¹Ra tingganai ru santimungan maririmbai. Sumugut ri: Jidutun. Mazmur ri Asap.

²Matangil pampiawan kuno ri Aki Kapuuno'; matangil ra aku mampiau maa' raginio morongog No.

³Bulintok ra aku makakapaganan makiasi' aku ra Tuhan; masuaban aku mopotoroi ra longon liliwa' makiasi', kaa' kalo maansukan aku.

⁴Bulintok ra aku makakara' ri Aki Kapuuno', mampalaa aku; bulintok ra aku mongoror, kolondo' boo patiguang ku.

⁵I Aki Kapuuno' nambaal raki' kalo mokororot; maimamang aku saboi kalo makaindagu aku.

⁶Makara' ku orou ra galing, orou am bilor ra nakasail.

⁷Masuaban aku mangkara';[53] mikukuot aku ralalom ru guang,

⁸“Sabuoi-buoi no kia i Aki Kapuuno' mangimpai ritakau? Kalo kia boo masaga' Io ritakau?

⁹Kalo kia boo monogom Io ritakau? Kalo kia boo suguton No bantu' Nali?

¹⁰Nalilianan kia ri Aki Kapuuno' makaasi' ritakau? Siminangit Io kia, saboi kalo boo makaasi'?”

¹¹Indagu aku boo, “Gitio noyo makaruol toojo ra guang kuno, ra i Aki Kapuuno' kalo boo manguasa'.”

¹²Karaan ku atan ondo' binaal Muno ra maayo, iou TUHAN. Karaan ku kaimuagan ondo' binaal Muno ra galing i.

¹³Karaan ku nansalinut binaal Muno, karaan ku nansalinut sinauk Muno.

¹⁴Iou Aki Kapuuno', ngaangai' binaal Muno matulai. Osoi kia mokogondo' ra kinatulai ri Aki Kapuuno' mai?

¹⁵Okou noyo i Aki Kapuuno' ondo' nambaal ra kaimuagan; pinaintalang Mu kuasa' Muno ra bansa'-bansa'.

¹⁶Ralalom ru kuasa' Muno, namayag Kou ra ulun Muno, papag ri Jakub am i Jusup.

¹⁷Timug ru raat no monontol magilong Rirun, iou Aki Kapuuno', lonor ru raat pana maya' ponontol.

¹⁸Gaun mapawas ra rasam; tingkalur kumuruntung ra limbowon, am timpalak sakurilop ra ati-ati ayuk intok.

¹⁹Tingkalur gogolon, timpalak makapiat, tana' mauyog am mogonggon.

²⁰Mugar Kou maya' ra kinulun ru raat, lumaup Kou ra raat ondo' malandom, kaa' kalo makito baya' ru kalayam Muno.

²¹Maningganai Kou ra ulun Muno koson ra sangulun magagalung, mababaya' ri Musa am i Arun ondo' maningganai risilo.