Read Timugon Murut MAZMUR 79 Bible Online

MAZMUR 79 - Timugon Murut bible

MAZMUR 79

¹Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

²Baangkai ru ulun Muno tinatang nilo koson paakanin ra susuit ondo' maangkan ra baangkai. Baangkai ru ulipon-ulipon Mu pinoloso nilo paakanin ra bibiag masigo.

³Sasarin nilo raraa' ru ulun Muno koson ra timug; raraa' tumilis ra titikop ru Jirusalim, am kolondo' ulun mompolobong ra ulun minatoi.

⁴Ngaangai' bansa' ra paginggaar mangiis ramon; makakurit ilo am magagasab ramon.

⁵Iou TUHAN, kula' buoi Muno sumangit ramon? Sangit Muno sumolob kia koson ra apui?

⁶Sangiti' noyo bansa'-bansa' ondo' kalo sumamba Rirun; ulun ondo' kalo makiasi' Rirun,

⁷sabap ra nampatoi ilo ra ulun Muno am namunsai ra pagun Muno.

⁸Pai' akai ukumi' sabap ra tula ru kinamatuaan maili, kaa' pakaasi' no ramon ra mataki', sabap ra akai malawo guang.

⁹Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

¹⁰Pai' polosoo' bansa'-bansa' ra bokon mangkuot, “Ati i Aki Kapuuno' mini?” Ukumi' noyo bansa'-bansa' raginio ra saang mai sabap ra napasasar ilo ra raraa' ru ulipon-ulipon Muli.

¹¹Rongogo' noyo pagalabaan ru ulun inaput, am ralalom ru kuasa' Muno ra maayo, palabuso' noyo ulun inukum ra potoyon.

¹²Iou TUHAN, balasi' noyo bansa'-bansa' raginio intulu' ruli', sabap ra nagasaban nilo Rirun.

¹³Akai pana, ulun Muno, domba-domba Muno, maringkuanang akai Rirun ra sabuoi-buoi no, am mongompor Rirun saboi mansasayat.