Read Timugon Murut MAZMUR 92 Bible Online

MAZMUR 92 - Timugon Murut bible

MAZMUR 92

¹Mazmur. Rimbai bulintok orou Sabat.

²Kula' piboo bobonsoi ra maringkuanang Rirun, iou TUHAN, marimbai koson mongompor ri Aki Kapuuno' Ondo' Masawat Kaga',

³mapabala' ra togom Muno ra moonong susuab ti, am gagaya' Muno ra moonong rondom ti,

⁴ondo' sumbayaan ru pangkulian miujik ra manangkalat, am sumbayaan ru jitor.

⁵Binaal Muno, iou TUHAN, makabansuk raki'; marimbai aku maansukan ra binaal Muno.

⁶Iou TUHAN, maatang kaga' binaal Muno! Malandom toojo pangkaraan Muno!

⁷Ulun sasambungon kalo makarati', ulun gigiison pana kalo makarati';

⁸ulun malaat gumatak tuu' nano malabung koson ra sakot, am ulun mambaal ra kalaatan magu' sumauk langkaya'; kaa' pusoon ilo lingono',

⁹sabap ra Okou, iou TUHAN, mangunguasa' masawat kaga' ra sabuoi-buoi no.

¹⁰Makapandai akai ra pantula' Muno pusoon, am ngaangai' ulun malaat kalaan.

¹¹Sinauk Mu aku maikang koson ra sapi' gawayan ondo' masigo; binarakat Mu aku ra kaansukan.

¹²Makito ku pantula' kuno maala, am makaining ra golok ru ulun malaat ondo' mangayou raki'.

¹³Ulun mabanis guang lumangkaya' koson ra puun ru palma; maikang ilo koson ra puun ru sidar giu' ra Libanon.

¹⁴Ilo koson ayuk ra puun ondo' tinanom ra Baloi ru TUHAN, koson ra tutuu' malabung giu' ra Baloi ri Aki Kapuuno' takau,

¹⁵maaruan ra io no manangkawa' bulintok matutuo, am mantilayun ayuk raun no masansam am maikang.

¹⁶Ginio koson mapakito ra TUHAN noyo matimpok, am kolondo' toojo kalaatan ru manunungka' raki' no.