Read Timugon Murut MAZMUR 95 Bible Online

MAZMUR 95 - Timugon Murut bible

MAZMUR 95

¹Omporo' takau noyo TUHAN, am marimbai ra maansukan ri Aki Kapuuno', manindung am mamamayag ritakau!

²Uma' takano Riso am maringkuanang, am naansukan marimbai ra rimbai pangamparan.

³TUHAN raginio noyo i Aki Kapuuno' ondo' mangunguasa', raja' maikang ondo' mangunguasa' ra ngaangai' dewa.

⁴Io namarinta ra titikop ru tana' ti, luang ru batu malandom kaga' am gunung ra masawat kaga'.

⁵Kuasaan No raat ondo' binangun Nano, am niayuk lantur ra binangun Nano.

⁶Igulatur takano am sumamba Riso; igulatur takano ra saang ru TUHAN, namangun ritakau!

⁷ Iono i Aki Kapuuno' takau; itakau noyo ulun ra inalungan Nano, koson ra santimungan domba ondo' inalungan Nano. Orou ra raiti' rongogo' noyo ragu Nano,

⁸“Pai' kau kokotog guang koson ra kinamatuaan min giu' ra Miriba, bulintok ra lakat ilo ayuk poyo ra tana' kaagisan giu' ra Masa.

⁹Giu' i nangkinam ilo Raki', kabalu' pana nakakito ilo noyo ra binaal Kuno.

¹⁰Suku' apat ngoopor ngambilor Aku nasuraan risilo; Minindagu Aku, ‘Mapara' piboo usung nilono! Kalo gumagaya' ilo ra panusuban Kuno.’

¹¹Siminangit Aku am nampator ra kalo boo igogondo' ilo subol ra pagun raginio, intok ra papatangusan Kuno risilo.”