Read Timugon Murut AMSAL 26 Bible Online

AMSAL 26 - Timugon Murut bible

AMSAL 26

¹Koson ra ais batu ondo' sotopot no kalo rumatu' bulintok ra tampio kapoam rasam bulintok ra mangkumos, koon niayuk ra pangamparan ondo' sotopot no kalo pataakon ra ulun sasambungon.

²Koson ra susuit mansiab am sasoyob-soyob giu' ra limbowon, koon niayuk ra pagulasan kalo makatiu' ra ulun kolondo' sala.

³Kuda musiti' loposon, kaladai musiti' kakangin, am ulun sasambungon musiti' lambaan.

⁴Ulun ondo' tumaam ra pangkuatan jajajou, masauk io koson ra kinasambung ru ulun mangkuot.

⁵Pangkuatan ra jajajou taamon niayuk ra jajajou, maa' raginio ulun mangkuot no makatutun ra iono sotopot no kalo mapandai.

⁶Manusub ra ulun sasambungon koson mapasaboi ra bilin mogondo' ayuk ra mamandak ra kalayam galama' am maguyum ra kajamaran.

⁷Koson ra ulun lamumu' kalo makaugar, koson niayuk ra ulun sasambungon kalo mapandai mindagu ra abig.

⁸Mangunsu' ra ulun sasambungon kolondo' onong, koson ra batu binangkos ra lasitik.

⁹Ulun sasambungon ondo' kuminam mindagu ra abig koson ra ulun magauk ondo' kuminam mansula' ra ruui ra kalindu' nano.

¹⁰Osoi-osoi mapakandoi ra ulun sasambungon mantipagon ra ngaangai' ulun.

¹¹Ulun sasambungon ondo' mambaal saguli' ra kinasambung nilo koson ayuk ra uku' ondo' mantila' saguli' ra lua' nano.

¹²Sasambungon pana ulun, sala' ka koson ra kinasambung ru ulun ondo' mangkara' ra io mapintar, sotopot no kalo.

¹³Ulun matiar kalo masaga' mingkual ra baloi. Mindagu io ra saamon io kunu' ru singa' amon ru mingkual io.

¹⁴Koson ra kulobon minsur ra guutan nano, koson niayuk ra ulun matiar miluluir ra intok pambalangan.

¹⁵Mokoondo' ulun ra matiar kaga' saboi kalo masaga' mangakan galama'.

¹⁶Ulun matiar no mangkara' io mapandai poyo ka tulu' ngaulun ondo' nakataam ra natimpok.

¹⁷Lumatok ra pansangaran ru ulun bokon koson ayuk mamparakop ra uku' ondo' talingo nano guuton.

¹⁸Ulun ondo' mamparuung ra ulun bokon, am mindagu ra mangkuli io ayuk koson ra ulun mantuyang ondo' mangkuli ra sinapang.

²⁰Kolondo' luton, apui malasa'; kolondo' mangalimut, pansangaran pana lumonggo'.

²¹Koson ra baa am luton mapasimbula' ra apui, koson niayuk ra ulun ondo' masaga' mansangor mangkinibit ra mantataam.

²²Mangalimut moonsoi ra limanin, ulun masaga' monolon.

²³Koson ra paliuk binaal intor ra tana' ondo' linakatan ra pirok, koson raginio noyo ulun maamis kabang kaa' malaat guang.

²⁴Ulun masisang no maamis ra mindagu, kaa' guang nano napanu' ra ruung.

²⁵Kabalu' pana io masamba, pai' pangintopot riso, sabap ra guang nano napanu' ra kasisangan.

²⁶Kabalu' pana masibuni no kasisangan nano, kaa' makito niayuk kalaatan nano.

²⁷Ulun mapataan ra jajaling ru ulun bokon, io galama' sumulung ra jajaling no. Ulun mapaluir ra batu maintupan ilo niayuk ru batu no.

²⁸Magabau ra ulun nogondo' niayuk masisang riso. Kabang maamis ra kalo motopot mangkinibit ra kapatayan.