Read Timugon Murut MAMPATANOU 11 Bible Online

MAMPATANOU 11 - Timugon Murut bible

MAMPATANOU 11

¹Tonomo' noyo ruit giu' ra liwar ru pagun; maaru' makaalap kou ra kalabaan paat ra orou rumatong no.

²Tonomo' noyo ruit muli ralalom nansalinut pinirot ru mantalan, am poyo ralalom ru masuang pinirot; ginio sabap ra ilalain ru ulun paat ra kalo poyo malumpa' ra karaat.

³Ati tampilon pana kaabaan ru puun tataun no, ginio noyo intok ru puun tataun no maaba'. Paat ra gaun no lumondom, rasam ra maawas pana rumatu'.

⁴Osoi ondo' maginaa saboi angin am baal ru orou moonsoi, kalo mantanom kapoam kalo mangkumos ra atan ayuk.

⁵I Aki Kapuuno' nambaal ra ngaangai' no, am ulun kalo makarati' ra binaal Nano koson ra ulun ondo' kalo makarati' ra tuu' ru kaayagan bagu ralalom binunakan ru ina'.

⁶Patiaso' noyo sampug tampilon ra susuab ti am niayuk ra mai' no, sabap kalo makapandai takau ru ngaangai' no tumuu', kapoam ati rondo' tias tumuu' ra malabung poyo.

⁷Sinda mato ru orou moonsoi toojo limanin.

⁸Musiti' ulun maringkuanang amon ru maawar painawo kaa' karaa', mabuoi pana ulun maayag ra tana' ti, mulu' poyo buoi nilono giu' ra intok kapatayan. Kolondo' atan pana malansanan.

⁹Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

¹⁰Pai' polosoo' atan ayuk makaimamang ra guang min, kapoam mamparuol ramuyun. Akau kalo mantilayun mamulok.