Read Timugon Murut SIRAK 10 Bible Online

SIRAK 10 - Timugon Murut bible

SIRAK 10

¹Sangulun panguasa' ondo' mapandai am mapintar mangila' ra mamagun nano am mapaugar ra pamarintaan nano ra matanda'.

²Koson ra panguasa' ginio niayuk ra pagawai nano, am koson ra pamarinta ru bandar ginio niayuk ra mamagun nano.

³Sangulun raja' ondo' kolondo' inigigilaan mampaluus ra mamagun nano. Rondo' bandar ondo' pinarinta ru ulun mapintar lumangkaya'.

⁴Tuhan magilong ra pamarintaan ru pagun ti am Io mapasauk ra ulun ondo' maaya' koson mamarinta ra paat ondo' motopot.

⁵Kasugutan ru ulun soroi ra ralalom kalindu' ru Tuhan, am Tuhan noyo ondo' manaak ra pagawai-pagawai no. Limbau

⁶Pai' pansagulian guang ra ulun bokon sabap moonong kasalaan ondo' binaal nilo, am pai' baalo' baal ra makajamar.

⁷Limbau am kolondo' katimpakan kasisangin ru Tuhan am niayuk ru ulun.

⁸Kinibit ru kalaatan, limbau am ruit, pamarinta ondo' rondo' puliron am palitin ra ondo' bokon.

⁹Ulun koson ayuk ra kaau; atan niayuk kasaga' lumimbau? Buoi ru lakat poyo naayag, inan tumalimpuun noyo mootong.

¹⁰Maruol ondo' kalo mapali' makaubong ra duktur-duktur. Mulu' poyo sangulun raja' pana ondo' mamarinta ra orou raiti', matoi ra suabon no.

¹¹Amon sangulun matoi, ondo' linonggom nano ayuk am lingguang, bulongor am ulor.

¹²Limbau lumabui intor ra ulun nangiruan ra Tuhan am napainggalur ra guang nilo intor ra i Nambaal risilo.

¹³Koson raginio baal no sabap puun ru limbau iono tula. Ulun ondo' lumimbau marayus mambaal ra malaat. Ginio noyo sabap ru Tuhan mangimbolo' risilo ra maagat am mampaluus risilo ra malingon.

¹⁴Namulir noyo Tuhan ra raja'-raja' am napatirong ra ulun ondo' minggana' guang koson ra alig.

¹⁵Namubul noyo Tuhan ra bansa'-bansa' pinabaya' ra bakat-bakat nilo, am nangalig risilo ra ondo' minggana' guang.

¹⁶Pagun nilai pinulir No am pinuso No ra nalingon.

¹⁷Mokoondo' poyo pinuso am linuus intor ra tana' saboi kalo boo kinara'.

¹⁸Tuhan Namangun kalo makakuayan koson limbau am sangit makalalaa' no ra ulun. Ulun ondo' musiti' urumaton

¹⁹Osoi ondo' musiti' urumaton? Ulun ondo' malaa' ra Tuhan. Osoi ondo' musiti' sawayon? Ulun ondo' manggal ra susuban ru Tuhan.

²⁰Sangulun tingganai urumaton ru pabukat-pabukat nilo, am Tuhan mangani' ra pangurumatan ra ulun ondo' malaa' Riso.[10]

²²Malaa' ra Tuhan masauk ra kaantakan ru moonong ulun, ondo' langkaya', ondo' nauligan kaga' ru ulun, am poyo ondo' musikin.

²³Kalo moonsoi magasab ra ulun musikin ondo' mapintar, am kalo motopot mangurumat ra ulun ondo' makatula.

²⁴Ulun nauligan kaga', mangunguasa'-mangunguasa', am akim-akim urumaton, kaa' ra gino ngai' nilo kolondo' ondo' maayo poyo intor ondo' malaa' ra Tuhan.

²⁵Sangulun ulipon ondo' mapintar kasagain ru ulun ondo' labus, am ulun ondo' masamba kalo mambutok-butok sabap nano. Minggana' guang am urumat ra inan

²⁶Pai' salu ra mapandai paat okou mangandoi, am pai' salu ra ulun mangaayo paat ra okou mokoondo' matutusan.

²⁷Moonsoi poyo mangandoi am mokoondo' ra kalabaan intor ra sumalu ra ulun mangaayo kaa' kolondo' akanon.

²⁸Anak kuno, musiti' kou mokoondo' urumat ra inan ondo' pinabaya' ra minggana' guang. Urumato' noyo inan muno ra sotopot no.

²⁹Osoi mindagu motopot ulun ondo' makatula ra inan nilo galama'? Osoi mangurumat ra ulun ondo' kalo mangurumat ra inan nilo galama'?

³⁰Ulun musikin uramaton sabap kapandayan nilo, am ulun langkaya' urumaton sabap ra rapu' nilo.

³¹Amon sangulun urumaton kabalu' pana io musikin, mulu' poyo amon io langkaya'. Amon sangulun asabin kabalu' pana io langkaya', mulu' poyo amon io musikin.