Read Timugon Murut SIRAK 11 Bible Online

SIRAK 11 - Timugon Murut bible

SIRAK 11

¹Sabap ra kapintaran nano, sasangulun ondo' musikin makapamanggo, am io makaalap ra intok ru gino ngai' ru ulun mangaayo. Patalangon ru ulun

²Pai' omporo' ulun sabap ilo maindon am pai' asabi' ulun sabap kalo maindon.

³Maningot iono bibiag ondo' boborok toojo ra gino ngai' bibiag makakawo, kaa' ruu' ondo' binaal nano iono matamis kaga'.

⁴Pai' pamanggo ra bayang ondo' moonsoi am pai' sauk ra malimbau amon ru okou omporon. Koson raginio baal no sabap kandoi ru Tuhan no makaimuag am nasibuni ra tayar ru ulun.

⁵Masuang raja' ra pupus no manturung ayuk boo ra sulig, kaa' ulun ondo' ra galing i kalo nauligan, inanian ra karaun.

⁶Masuang mangunguasa' masauk musikin toojo, am masuang ulun ondo' urumaton naratu' ra kalindu' ru ulun bansa' ra bokon. Ilalain

⁷Pai' pangalimut ra kalo poyo naimumuyan am pai' pansawai ra kalo poyo nakapangkara'.

⁸Pai' taam ra kalo poyo norongog am pai' sombot ra ragu ru ulun.

⁹Pai' pakimagansang intor ra baal ondo' sala' ka kaatangan muno am pai' baya' ralalom pansangaran ru ulun makatula.

¹⁰Anak kuno, pai' kumantitisuk ra masuang kaga' kandoi. Amon ru masuang kaga' kandoi muno, maaru' okou maimbolo'. Kalo mopongo mu ginio, kaa' kalo niayuk malabusan.

¹¹Mokoondo' ondo' maagui am mingkotog mangandoi ra kalo tumangus, kaa' gumaai makayaan.

¹²Mokoondo' niayuk mototoi mangandoi am kalo makabaal ra kandoi, ondo' musikin am musiti' indanganon. Kaa' Tuhan maansayan risilo am mangkayang risilo intor ra kapaganan.

¹³Tuhan nampainsawat risilo saboi ngaangai' ulun nangimuag.

¹⁴Ngaangai' no intor ra Tuhan: moonsoi am malaat, musikin am langkaya', maayag am matoi.[11]

¹⁵Kapintaran, kaintutunan, kapandayan intor ra ukum, togom, am binaal moonsoi, ngaangai' no pana intor ra Tuhan.

¹⁶Intor ra talimpuun ru kalayawan am kalandaman nabaya' ra ulun makatula, am kapaganan narampus minaya' ra ulun ondo' masaga' mambaal ra malaat.

¹⁷Ulun ondo' motopot maaru' mangapu ra taak ru Tuhan. Kasagaan ru Tuhan mangila' risilo ra sabuoi-buoi no.

¹⁸Mokoondo' ulun ondo' masauk ra langkaya' sabap mingkotog mangandoi am magayai. Kaa' atan maalap nano?

¹⁹Kono ra ralalom ru guang, “Raino aku makatangus am makasia' ra ampos ru naaguyan kutu.” Kaa' io kalo nakapandai kula' buoi poyo io lakat maayag ra kalo poyo io matoi am musiti' manatang ra rapu' nano tayar ru ulun ra bokon.

²⁰Paugaro' noyo kandoi muno ra gagaya' am musiti' kou rumayus mambaal ra kandoi muno saboi okou matutuo.

²¹Pai' solon ra ampos ru kandoi ru ulun ondo' makatula. Baalo' noyo kandoi muno ra gagaya' am pangintopot no ra Tuhan. Koson raginio baal no sabap ra Tuhan ra matasu' mambaal ra ulun musikin pasaukon langkaya' ra mamulali'.

²²Ulun ondo' motopot makaapu ra barakat ri Aki Kapuuno' koson balos, am sangkuliop ayuk Tuhan mampagayo ra barakat nilo.

²³Pai' kuati': Atan poyo musiti' kuno uyumon am atan poyo kalo naalap kuno?

²⁴Pai' niayuk pangkara' ra okou naukapan noyo am kalo malumpa' ru karaat paat ra orou tauli no.

²⁵Paat ra langkaya' malilianan ru ulun kapaganan nilo, am paat ra mapagon malilianan ru ulun kalangkayaan nilo.

²⁶Maaru' matasu' ra Tuhan mambalos ra ulun maaya' ra binaal nilo paat ra orou pupus nilo.

²⁷Paat raginio ngaangai' binaal nilo makasalula', am sanjam kapaganan mambaal risilo makalilian ra ngaangai' kalangkayaan.

²⁸Ginio ra pai' karaa' kaayagan ru sasangulun no maansukan ra io kalo poyo matoi, sabap ra inan ru ulun mauligan paat ra io matoi.[12]

²⁹Pai' kimaiti' moonong ulun matong ra baloi mino, sabap ra sangulun ondo' mapintar masuang ruung nano.

³⁰Guang ru sasangulun ondo' malilimbau koson ra manuk ru kataunan giu' ra nangaputan, kapoam koson ra sangulun mansigo ondo' magilong ra karatuan mino.

³¹Maginaa io ra kaluagan koson mapalukiat ondo' moonsoi masauk ra malaat, am koson mansiwou ra baal moonsoi.

³²Sampiat apui ru panjut makasimbula' ra baa, am ulun ondo' makatula maginaa ra kaluagan koson mampatoi.

³³Ilalai' noyo ulun malaat sabap ra mangatang ilo ondo' mangalaat; pai' saboi' ilo mapakalaat ra inggalan muno koson sabuoi-buoi no.

³⁴Amon ru mampakan kau ra ulun suai ra baloi mino, mamparatong ilo ra kapaganan am mapatuliar ramuyun intor ra pabukat mino.