Read Timugon Murut SIRAK 3 Bible Online

SIRAK 3 - Timugon Murut bible

SIRAK 3

¹Mangurumat ra matuo Anak kuno ngai', rongog no raki', i ama' min. Baalo' noyo atan ondo' rinagu kuno ramuyun, am akau pana maayag.

²Manusub Tuhan ra anak-anak mangurumat ra ama' nilo am musiti' ilo mangiou ra kuasa' ru ina' nilo.

³Amon mangurumat kau ra ama' min, ampunon tula mino,

⁴am amon mangurumat kau ra ina' mino, akau koson ra ulun ondo' manimung ra rapu'.

⁵Amon mangurumat kau ra ama' mino, akau pana bansukon ra tauli no ru anak-anak min, am Tuhan mangiou ra pakiasian mino.

⁶Amon mangurumat kau ra ama' mino, maawar umur mino. Amon gumagaya' kau ra Tuhan, mampabansuk kau ra ina' min

⁷am mangambo ra matuo ilain koson ayuk ra akau ulipon nilo.

⁸Urumato' noyo ama' min ralalom ngaangai' ru baalon am ragu min, maa' raginio makaalap kau ra barakat nano.

⁹Akau sambaloi maikang amon barakaton ru ama' min, kaa' magagai amon ulason ru ina' min.

¹⁰Pai' paguyum ra pangurumatan tayar ru inan galama' ra susunuron ama' min, sabap amon ulason io, ginio sala' ka mangurumat rirun.

¹¹Kaa' amon mangurumat kau ra ama' min, akau galama' ondo' urumaton; kaa' amon tauyuon min ina' mino, akau ondo' mauyu'.

¹²Anak kuno, indangano' noyo ama' muno paat ra io matutuo. Pai' karuolo' guang nano buoi ru bayag nano.

¹³Ampuno' noyo io, niayuk amon pangkaraan nano makulau noyo. Pai' polosoo' ak io sabap ra okou maligag am mapanggol.

¹⁴Bonsoi ondo' pinamakuan mu ra ama' muno kalo lilianin ru Tuhan, kaa' untobon koson mamuso ra tula-tula muno.

¹⁵Paat okou ralalom kapaganan, karaan ru Tuhan bonsoi muli. Tula-tula muli mairu' koson ra bolobou paat ra malasu' orou.

¹⁶Anak ondo' nangiruan ra matuo kapoam nampasingkual ra sangit nilo, nogondo' ayuk ra magasab ra Tuhan, am ulason io ru Tuhan. Minggana' guang

¹⁷Anak kuno, akau musiti' minggana' guang ralalom ru ngaangai' baalon min, am akau pana tagamin ru ulun ondo' kasagain ru Tuhan.

¹⁸Kabalu' pana ra okou urumaton kaga', okou musiti' no minggana' guang, am okou pana mapabansuk ra guang ru Tuhan.[5]

²⁰Baal koson raginio sabap ra maayo kuasa' ru Tuhan, am Io urumaton ru ulun ondo' minggana' guang.

²¹Pai' pangurio ra baal-baal ondo' mapagon kaga' rirun kapoam mangimumui ra baal ondo' makasail ra masaanan muno.

²²Undasai' noyo susuban-susuban ondo' pinataak rirun. Ondo' kalo pinabala' ru Tuhan rirun kolondo' onong rirun.

²³Ginio ra pai' kapagon mangimumui ra ondo' sala' ka napaatan muno, sabap no ra atan ondo' pinabala' rirun malandom noyo kaga' koson aration ru pangkaraan ru ulun.

²⁴Masuang ulun palayawon ru pangkaraan nilo galama'. Pamaguangan nilo pinailiu ru panantaman ra makalingou.[6] Lumimbau

²⁶Ulun ondo' bambalingatan pupus no mausung, am ondo' monogom ra makalalaa' malungganang ru makalalaa' no.

²⁷Ulun ondo' bambalingatan maguyum ra masuang kapaganan ru tayar nano galama', am ulun ondo' makatula manuntur ra tula masuang.

²⁸Kapaganan ru ulun malilimbau kalo maalap kapali', sabap ra kalaatan no nananguat am nanambakat noyo ralalom ru guang nilo.

²⁹Ulun mapintar mangurio ra arati' ru abig. Ulun mapintar masaga' mangalap ra ulun migigila' ondo' masaga' mangkirongog. Mangani' ra indangan

³⁰Koson ra apui ondo' bibilak lasain ru timug, koson niayuk ra tula pusoon ru mangani' ra indangan.

³¹Ulun ondo' mambaal ra moonsoi ra ulun bokon mangkara' ra orou tauli nilo galama', sabap ra ilo galama' mangapu ra indangan paat malumpa' ru kapaganan.