Read Timugon Murut SIRAK 31 Bible Online

SIRAK 31 - Timugon Murut bible

SIRAK 31

¹Pangkuatan sabap ru Kalangkayaan Ulun ondo' masalok magalabo ra kalangkayaan kalo mokororot am tumukal.

²Sangulun ondo' magalabo ra rapu' nano[42] kalo mokokorom ra mato. Io koson inuliso ru maruol ondo' masaran.

³Ulun langkaya' gumogot toojo mangandoi koson mamparuang ra rapu'. Paat ra ilo tumangus, sumia' ilo ra kalangkayaan.

⁴Ulun musikin gumogot toojo mangandoi kaa' ra rapu' nilo maganggal. Paat ra ilo tumangus, musikin ilo.

⁵Ulun ondo' motogom ra ruit kalo nakalabus intor ra tula, am ulun ondo' mangilou ra rapu' makalayau.[43]

⁶Masuang ulun naratu' sabap ra mas, am pinuso no ilo.

⁷Ruit iono balatik ru ulun ondo' mongongompor riso, am moonong ulun ondo' sasambungon no maratu' ralalom nano.

⁸Pakaansuk no ulun langkaya' ondo' napandayan kolondo' sala mangilou ra ruit.

⁹Tuluo' noyo ra ulun koson raginio, am sabiton takau ra io makaansuk, sabap ra nambaal io ra kaimuagan ra tatanga' ru bansa' nano.

¹⁰Ulun ondo' tumaan ra pangkinaman makapamanggo. Osoi kia nua' ondo' makaalap ra kaluagan koson makatula kapoam mambaal ra malaat kaa' kalo mamakai ra kaluagan raginio?

¹¹Ulun no maayag makakaansayan am binaal moonsoi nano omporon ru ulun. Makapaliso moonsoi paat ra mangakan

¹²Amon manturung kou ra mija' ondo' napanu' ra akanon, pai' koroot am pai' indagu, “Taa, masuang kaga'!”

¹³Karaa' noyo ra kalo moonsoi gumogot kou ra ngaangai' ondo' nakito muno. Intor ra ngaangai' binaal, kolondo' moroot poyo intor ra mato. Ginio noyo sabap ra mato mampatilis ra lomou ra moonong bulos.

¹⁴Pai' alapo' atan ayuk ondo' makito muno am pai' alapo' atan ondo' masaga' alapon ru ulun bokon.

¹⁵Urumato' noyo ulun ondo' mabaya' rirun mangakan, am koonsoyo' pamakuan muno risilo koson okou galama' moogot ra moonsoi pamakuan.

¹⁶Atan ayuk ondo' pasulungon rirun, akano' noyo mabaya' ra moonsoi paliso koson ra ulun. Pai' tolojoko' akan no, maagu no kasisangin kou ru ulun.

¹⁷Ulun ondo' makapandai ra kaulayan, lumonggo' pagulu ra mangakan. Ulun ondo' tolojokon akan no makasisisang.

¹⁸Amon mangakan mabaya' ra masuang ulun, pai' pagulu tumalimpuun.

¹⁹Akanon ra sanganu sama' noyo ra ulun ondo' makapandai ra kaulayan. Kalo mapisok ilo maminawo ra intok pambalangan.

²⁰Mangakan ra masuang kaga' mangkinibit ra maninggool, marualan ra tinai', am mapagon mombolong. Ulun ondo' mangakan ra maggangal ayuk mokororot ra bolong am tumirong mabaya' ra guang moonsoi paat ra susuab ti.

²¹Amon ru jumajal kou mangakan ra masuang kaga', ongoi no pampalua', am malimanan muno ra moonsoi.

²²Okou anak kuno, iningo' noyo ragu kuno am baalo' noyo, am pupus nano maringkuanang kou raginio. Ololoon mu inan muno[44] ralalom ru ngaangai' kandoi muno, am okou pana kalo matiu' ra maruol.

²³Ulun ru baloi ondo' mataau guang omporon ru ulun, am ompor no maintopot.

²⁴Kaa' ulun ru baloi ondo' makalit lutaan ru ulun giu' ra bandar, am motopot noyo luta' raginio. Wain

²⁵Kaa' ulun ru baloi ondo' makalit lutaan ru ulun giu' ra bandar, am motopot noyo luta' raginio.

²⁶Kotog ru basi' kinamin ralalom ru apui. Koson niayuk ra guang ru sangulun ondo' malimbau kinamin bulintok ulun magansang paat ra magauk.

²⁷Wain mangani' ra kalansanan, amon inumon ra ololoon. Ati kulaan kaayagan ti amon kolondo' wain? Wain binaal koson mapabansuk ra guang ru ulun.

²⁸Amon ru inumon ra bulintok motopot am sasamaan, wain mampaligag am mapabansuk ra ulun.

²⁹Kaa' amon inumon ra majanjayan, wain mambaal ra ulun pansagulian guang, sumangit-sangit, am masaga' gumabu'.

³⁰Amon ru ulun sasambungon magauk, sumangit-sangit ilo am mampalubat ayuk ra inan galama'. Kaikangan nilo tumutus am ilo maluoi pilatin ru ulun.

³¹Pai' sayawo' rangan muno ondo' manginum ra wain mabaya' rirun. Pai' pagasab riso paat ra io maansukan. Paat raginio sala' ka bulintok nano koson mansawai ra ulun kapoam mansika' ra rondo'.