Read Timugon Murut SIRAK 36 Bible Online

SIRAK 36 - Timugon Murut bible

SIRAK 36

¹Pakiasian tayar ru Israil Iou Tuhan, i Aki Kapuuno' ru limbowon am tana' ti, pagilong no ramon am pakaasi' no ramon. Baalo' noyo ngaangai' bansa' malaa' Rirun.

²Timbalos no ra bansa'-bansa' ru bokon, maa' raginio makakito ilo ra kuasa' Muno.

³Pinaaya' ramon pinakito Mu katulayan Muno risilo. Kasaga' noyo ralalom ramon pakitonon Mu kinaayo Muno ramon.

⁴Gama' ru makapandai ilo ra atan ayuk kapandayan mai, iono kolondo' i Aki Kapuuno' ondo' ak am Okou ayuk iou Tuhan.

⁵Anii' noyo ra tatandu' am baalo' noyo kaimuagan-kaimuagan nakabagu, am pakitono' akai no ra kuasa' Muno ondo' matulai.

⁶Gama' ru mataki' matong paat ra ngaangai' ulun mongompor ra binaal Muno ondo' maayo. Paabuso' noyo sangit Muno ondo' nanimbula' am pusoo' noyo ngaangai' pantula'. Pusoo' noyo ngaangai' ulun ondo' mangimbolo' ra ulun Muno.

⁹Pusoo' noyo panguasa' ru pantula' ondo' kalo mangkara' ra ilo galama' ti maatang ralalom ru tana' ti.

¹⁰Kasaga' no manimung ra bansa'-bansa' ru Israil am pasagulio' no risilo tana' tinungkus koson ra talimpuun i.

¹¹Iou Tuhan, pakaasi' no ra Israil, bansa' ondo' sinabit sumugut ra inggalan Muno am ondo' pinamakuan Muno koson ra anak katuaan Muno.

¹²Pakaasi' no ra Jirusalim, bandar matulai ondo' pinili' Muno sumauk ra intok ayanan Muno.

¹³Totopo' noyo ulun Muno giu' ra Bulur Sion ra katulayan Muno am ra tunung-tunung ru kinoonsoi Muno.

¹⁴Pampainono' noyo ra ulun Muno ondo' binaal Muno intor ra talimpuun i, am suguto' noyo ngaangai' ragu inala' ondo' rinagu ralalom inggalan Muno.

¹⁵Ayupi' noyo ulun ondo' malansan Rirun, am pakitono' noyo ra nabi-nabi Muno maintopot.

¹⁶Iou Tuhan, rongogo' noyo pakiasian ru ulipon-ulipon Muno maaya' ra barakat ri Arun ra ulun Muno.

¹⁷Ngaangai' ulun pana ra tana' ti mangiou ra Okou noyo Tuhan, i Aki Kapuuno' ondo' mantilayun. Mampili' ra sangulun andu'

¹⁸Moonong akanon maumok ru tinai', kaa' rondo' akanon ti moonsoi poyo intor ra akanon ru bokon.

¹⁹Koson ra rila' makaliman ra nansalinut kual, koson niayuk malarom pangkaraan makaulig ra ragu-ragu magabau.

²⁰Ulun mapandai mamparuung mampatabual ra masuang kapaganan, kaa' ulun ondo' makaili' no makasungku' raginio.

²¹Sangulun ruandu' musiti' mangapu ra osoi ayuk sumauk ra ralaki nano, kaa' sangulun ungkuyon musiti' mampili' ra ruandu' ondo' moonsoi toojo.

²²Kinantalur ru sangulun ruandu' mampakaansuk ra guang am masailan ngaangai' gogot ru guang.

²³Amon ru ragu-ragu nano moonsoi am molomoi, ralaki nano maansayan poyo intor ra ulun bokon.

²⁴Amon ru sangulun ungkuyon maguot, mokoowot io ra rondo' ondo' mologo toojo: sangulun mangindangan riso ondo' maaya' am ondo' makasungka' riso.

²⁵Tana' makatatangan ondo' kalo inanian ra insor talingaawon. Ulun ondo' kolondo' andu' tumanggau pabayaan ra laa ru guang.

²⁶Osoi nua' mangintopot ra ulun mantakou ondo' mapinit, ondo' magiru' intor ra bandar ka bandar?

²⁷Osoi poyo mangintopot ra sangulun ondo' kolondo' baloi am mayan ra ati ayuk malandaman io?