Read Timugon Murut SIRAK 43 Bible Online

SIRAK 43 - Timugon Murut bible

SIRAK 43

¹Mato ru Orou Mapara' piboo bonsoi ru limbowon ra rasawat takau, totopot ra pagilayan ondo' mapasau am matulai.

²Mato ru orou ondo' sinumirang nampatanou ra kaimuagan nano koson binaal ru Tuhan Ondo' Masawat Kaga'.

³Paat ra orou ti mato ru orou mokosolob ra tana'; kolondo' tumaan ra lasu' ru mato ru orou no.

⁴Ulun ondo' mantamung ra apui malasuan kaga', kaa' mato ru orou monolob ra bulur-bulur intalu poyo ruli'. Mato ru orou nampasirang ra sinda mapaang kaga'; sinda nano makajalak ra mato.

⁵Matulai noyo Tuhan ondo' nambaal raginio, am mabaya' ra susuban Nano, mato ru orou namparibok ra limpuong nano. Bulan

⁶Bulan pana motopot ra paat nano, panitiu ra orou am tatandu' ru bulintok.[57]

⁷Bulan tatandu' ru orou-orou pangiantakan. Sinda nano sumauk ra lumook mopongo sinda ru salawang.

⁸Bulan nangani' ra inggalan nano ra bulintok sambulan; sinda nano sumingkot ra makaimuag ralalom ru limpuong nano. Bulan mapaang giu' ra limbowon am masauk ra tatandu' tayar ru saujor ru limbowon. Butitin-butitin

⁹Butitin-butitin nampasingkot ra kapaangan ru limbowon, limpor ra moonsoi kaga' giu' ra limbowon ru Tuhan.

¹⁰Intok nano inaru' noyo ra ragu ru Tuhan Ondo' Masawat Kaga'; ngaangai' no kalo igondo' masuraan ralalom kandoi ru mantamung. Bulintung

¹¹Pagilong no ra bulintung am omporo' noyo ondo' Io Nambaal nano. Mapara' kinoonsoi no bulintung ra mapaang no!

¹²Mabaya' ra kinapaang ru bulintung pinaiis ra limbowon ondo' pinatiampal ru Tuhan Ondo' Masawat kaga'. Tatandu'-tatandu' ru tana' ti

¹³Mabaya' ra susuban ru Tuhan rumatu' noyo ais; ganit nanimpar koson mampaugar ra ukuman ru Tuhan.

¹⁴Naukab boo gudang-gudang giu' ra limbowon am gaun-gaun miningkual koson ra susuit ondo' mansisiab.

¹⁵Mabaya' ra kuasa' Nano nampakapal Io ra gaun-gaun, am pinagagai no masauk ra rasam batu.

¹⁶Sabap ra maayo kaga' timpalak nano, tana' ti kinumumpol marualan; gunung-gunung nauyog makakito ra Tuhan matong. Mabaya' ra kasagaan Nano siminiob angin intor ra rabugus, intor ra ralayo minatong rosob am bagiu'. Pinatias No ais koson ra susuit ondo' minorop, koson ra gapu' ondo' timinuun.

¹⁸Makaimuag toojo batik nano ondo' mapulak kaga'; makasioro' takau makakito riso rumatu' ra tana'.

¹⁹Nampatias Tuhan ra bolobou mokotog koson ra usi' ondo' nasauk ra mato ru ruui sabap ra nasimuan.

²⁰Namparatong Io ra angin masimu' intor ra ralayo; simu' nano nampasauk ra timug no kiminotog. Moonong kulam ru timug kiminotog koson ra tinauban ra bayang ru basi'.

²¹Nangumpo Io ra bulur-bulur am tana' kaagisan, koson ra apui nonolob ra sakot.

²²Kaa' ngaangai' pinasalui saguli' ru gaun mapulak; liliwa' bolobou timinuun, angin masauk ra masimu'.

²³Mabaya' ra kuasa' Nano nampalinos Io ra raat am momposoroi ra pulu'-pulu' ra giu' no.

²⁴Ngaangai' ulun mangimpait nantunung ra makalalaa' giu' ra raat; am ra mangimuag mangkirongog takau ra tutunungon nilo.

²⁵Sabap ra baal-baal makaimuag am mampasioro' mokoondo' ra giu' no, mansalinut ondo' maayag am bibiag ondo' makalalaa'.

²⁶Moonong sinusub ru Tuhan nakasugut ra kandoi nano, ngaangai' no inatang ru ragu Nano.

²⁷Lakat poyo masuang maragu, kolondo' pupus nano; am ontoson ragu, Tuhan noyo ngaangai' no.

²⁸Ati koson ra itakau mokopongompor Riso? Io maayo poyo intor ra ngaangai' binaal Nano.

²⁹Tuhan matulai toojo am makalalaa', kuasa' Nano makaimuag toojo.

³⁰Kabalu' pana akau mongompor Riso ra piroton, Io maayo poyo intor ra pangamparan no. Kabalu' pana katulayon min Io ra ngaangai' ru ikang min, pai' kataka' sabap ra pangamparan min kalo igondo' kaukop.

³¹Kolondo' sangulun pana igondo' makakito Riso am makapambala' ra baal Nano, kolondo' makapangani' ra ompor ondo' maaya' Riso.

³²Lakat poyo masuang baal ra maayo ondo' kalo poyo napandayan, sabap intor ra kandoi Nano santayaran boborok ayuk nakito takau.

³³Tuhan nambaal ra limbowon am tana' ti, am nangani' ra kapintaran ra ulun ondo' gumagaya' Riso.