Read Timugon Murut SIRAK 44 Bible Online

SIRAK 44 - Timugon Murut bible

SIRAK 44

¹Katulayan ru Tuhan ralalom sejarah Ibok takau no mongompor ra ulun nauligan kaga', kinamatuaan takau intor ra tuu' lair-tuu' lair ra galing i.

²Nangani' Tuhan risilo ra urumat maayo am katulayan Nano ondo' soroi noyo intor ra talimpuun i.

³Gino ngai' ru ilo mokoondo' nasauk ra raja' ondo' nauligan kaga' sabap ra kaikangan nilo; ondo' maayo inggalan koson ra ulun mambilin ra mapintar, am ondo' nambala' ra ragu-ragu inala'.

⁴Nangila' ilo ra bansa' maya' ra pampaguangan nilo am mangarati' ra atan ondo' musiti' ilaan ra mamagun am niayuk mangila' risilo ra ragu-ragu mapintar.

⁵Nanulis ilo ra rimbai-rimbai moonsoi am nanulis ilo ra sisindiron-sisindiron.

⁶Langkaya' ilo am makakuasa' am minayan ra baloi Nano ra mamimio.

⁷Ilo ngaangai' ulun ondo' makamanggo ra guang am inurumat ru ulun ra bulintok nilo.

⁸Kukula' ngaulun risilo nampatatang ra inggalan moonsoi, am lakat poyo rayuson omporon ru ulun.

⁹Mokoondo' niayuk ondo' kalo boo kinara', kaa' liminiot koson kalo igondo' maayag. Ilo koson kalo igondo' inanak, nogondo' niayuk ra papag nilo.

¹⁰Kaa' ondo' rumatong ti iono ulun moonsoi guang; binaal moonsoi nilo kalo igondo' lilianin.

¹¹Ngaangai' no magulayun mayan ra papag nilo koson ra rapu' ondo' pinatungkus risilo.

¹²Papag nilo gumagaya' toojo ra nabantuan sabap ra binaal moonsoi ru kinamatuaan nilo.

¹³Papag nilo mantilayun ra sabuoi-buoi no am inggalan maayo nilo kalo mapandai malulu'.

¹⁴Baangkai nilo linobong ralalom ra kaansayan am inggalan moonsoi nilo karaan ra sabubuoi no.

¹⁵Kapintaran nilo pinabala' ru bansa'-bansa' am ilo inompor-ompor ru ulun. Ginok

¹⁶Ginok sinumauk ra panginuuyan koson tumalikur intor ra tula ru ngaangai' ulun. Napabansuk io ra guang ru Tuhan am kinayang intor ra tana' ti. Nuu

¹⁷I Nuu sangulun ondo' mabanis guang am kalo najamaran. Paat ra karaat makalalaa' nasauk, iono sayat ru ulun. Sabap io, lakat poyo ulun soroi ra tana' ti nalupus rosob.

¹⁸Nambaal Tuhan ra nabantuan mantilayun riso: Ngaangai' ondo' maayag kalo boo pusoon ra rosob. Abragam

¹⁹Abragam nasauk ra kinamatuaan ondo' nauligan kaga' ru masuang bansa'. Inggalan nano moonsoi, kolondo' makagula' riso.

²⁰Giminagaya' io ra ukum ri Aki Kapuuno' Ondo' Masawat Kaga', am nambaal Tuhan ra nabantuan riso. Nabantuan no tinatanduan ra inan nano. Paat ra kininaman, totopot ra io gumagaya'.

²¹Tuhan pana makimabantu' riso mabaya' ra ibot ra papag Nano masauk ra barakat tayar ru tana' ti. Sumuang ilo suku' ra kalo maalap ra untob koson kaau ra tana' ti am butitin-butitin giu' ra limbowon. Tana' tinungkus nilo malangka' intor ra raat suku' ra raat, intor ra Sungoi Iprat saboi ra pompor-pompor ru tana'. Isak am Jakub

²²Nanalimbagu Tuhan ra nabantuan ri Isak sabap ri Abragam ama' nano, am tauli no ri Jakub. Rinuli' No bantu' Nano ra papag ri Abragam masauk ra barakat ru ngaangai' ulun. Nambala' toojo Tuhan ri Jakub ra io barakaton, am pinataak riso tana' kinamatuaan ondo' masauk ra longgom nano. Tana' no tinayar-tayar no ra mopor am ruo bansa'.