Read Timugon Murut SIRAK 7 Bible Online

SIRAK 7 - Timugon Murut bible

SIRAK 7

¹Nansalinut bilin Pai' pambaal ra malaat, am okou pana kalo malumpa' ra malaat.

²Inggaluri' noyo tula, am tula pana minggalur rirun.

³Pai' panias ra sampug ru kolondo' katimpakan, maagu no okou makaalap saguli' intulu' poyo ruli'.

⁴Pai' pakitaak ra pangkat masawat kaga' intor ra Tuhan kapoam panturungan maatang intor ra raja'.

⁵Pai' salu ra moonsoi ra saang ru Tuhan am pai' salu ra mapintar ra saang ru raja'.

⁶Pai' kasaga' sumauk ra akim, maagu no okou kalo sama' mapanggol koson mangiru' ra kolondo' katimpakan. Amon mompoloso kou ra inan muno ra ambion ru ulun ondo' makakuasa', inggalan muno koson ra ulun mabanis guang majamalan.

⁷Pai' baalo' kalaatan ra ulun masuang am pai' tauyuo' inan muno ra saang ru masuang ulun.

⁸Pai' pambaal ra tula ondo' nogondo' saboi induo. Makatula igondo' ayuk pana ukumin kou noyo.

⁹Pai' pangkara', “I Aki Kapuuno' Ondo' Masawat Kaga' mangkara' ra pinataak kuli ra masuang am nangapu ra taak ondo' pinataak kuno Riso.”

¹⁰Pai' masuraan paat makiasi' am pai' labusi' kaluagan koson mangindangan ra ulun musikin.

¹¹Pai' pangiis ra ulun ondo' makakapaganan, sabap ra Io Ondo' Rondo' Ayuk mampainggana' ra sasangulun am mampainsawat riso saguli'.

¹²Pai' pambaal ra tunung magabau intor ra pabukat kapoam rangan muno.

¹³Pai' igogondo' pagabau, sabap ra magabau no kalo noyo makaampos ondo' moonsoi.

¹⁴Pai' kasuang mindagu ralalom pantutuuman maatang am pai' rurulio' ragu ralalom pakiasian.

¹⁵Pai' kauyu' mantanom kapoam mambaal ra kandoi makabagui ra bokon. I Aki Kapuuno' Ondo' Masawat Kaga' nangani' ritakau ra kandoi raginio.

¹⁶Pai' simpung ra gino ngai' ru ulun ondo' makatula'; karaa' noyo ra sangit ru Tuhan kalo pagiginjul.

¹⁷Paingganaan toojo guang muno, sabap ra ulun ondo' makatula ukumin ra apui am ulor. Pabukatan ra rangan am pabukat

¹⁸Pai' panumbalik ra rangan sabap ru ruit, kapoam rangan motopot sabap ru mas.

¹⁹Pai' labusi' kaluagan koson manangandu' ra sangulun ondo' moonsoi am mapintar, sabap ra togom nano mokologo poyo intor ra mas.

²⁰Pai' kalaat ra sangulun ulipon ondo' mangngandoi ra gumagaya', kapoam ra sangulun mangngandoi ondo' mingkotog mangandoi ra tayar muno.

²¹Tagami' noyo sangulun ulipon ondo' mapintar am pai' ompongo' kalabusan nano.

²²Alungi' noyo tambiag muno ra bobonsoi am undungo' noyo tinambiag no amon mapakauli' rirun.

²³Ilaa' noyo anak-anak muno am ilaa' noyo ilo intor poyo ra boborok maa' raginio tumanda'.

²⁴Alungi' noyo anak ruandu' muno maa' raginio lakat mapasau, am pai' najanjayan mampalaya' riso.

²⁵Amon paanduin mu io, sinugut mu noyo baalon maatang muno. Kaa' anii' noyo io ra ralaki ondo' mapintar.

²⁶Amon makaandu' kou ondo' moonsoi, pai' noyo alio' io. Kaa' pai' pajuungo' inan muno ra sangulun ondo' kalo katagaman muno.

²⁷Urumato' noyo ama' muno ra totopot ru guang muno, am pai' liliani' kapaganan ru ina' muno paat naganak rirun.

²⁸Karaa' noyo ra okou anak nilo. Atan koson okou mambalos ra ngaangai' binaal moonsoi nilo? Imam-imam

²⁹Kalaa' no ra Tuhan ra totopot ru guang muno am urumato' noyo imam-imam Nano.

³⁰Tagami' noyo Io Nambaal rirun ra ngai' ru panggol muno, am pai' liliani' ulun ondo' nambaal ra kandoi Nano.

³¹Omporo' noyo Tuhan am urumato' noyo imam-imam. Anii' noyo ilo ra atan ondo' nanusuban rirun: ampos ru tana' ondo' kasaa', taak simbalui koson mangampun ra tula, paa ru bibiag taak simbalui, am niayuk ngaangai' taak simbalui am taak ra bokon ondo' inaru'. Ulun musikin am makakapaganan

³²Indangano' noyo ulun musikin, am okou pana mangapu ra barakat ru Tuhan ra malabaan.

³³Musiti' kou mataau ra moonong ilo ondo' maayag, am ulun namagatoi pana pai' impayi'.

³⁴Kalumpus no ra ulun ondo' malumpus am kangiluk no ra ulun ondo' mangiluk.

³⁵Pai' kauyu' magilong ra ulun marualan, sabap ginio ra okou tagamin sabap no binaal koson raginio.

³⁶Ralalom ngaangai' binaal muno, pai' liliani' ra rondo' orou matoi kou, am koson ra sabuoi-buoi no okou kalo makatula.