Read Timugon Murut SIRAK 9 Bible Online

SIRAK 9 - Timugon Murut bible

SIRAK 9

¹Ruandu' Pai' kaingot ra andu' muno, sabap ra koson raginio okou mangila' riso lumaat rirun.

²Pai' laya' ra sangulun ruandu', maagu no io mangulipon rirun.

³Inggaluri' noyo ruandu' mantalan ra inan, maa' raginio kalo maratu' kou ra ralalom kalindu' nilo.

⁴Pai' latok ra ruandu' lulumigo', maagu no mabunduk kou ra pagangatan nilo.

⁵Pai' ponontong ra sangulun ralaa ra sinto ru guang, maagu no ukumin kou sabap io.

⁶Pai' laya' ra sangulun ruandu' mantalan ra inan, maagu no matatakan kou ra ngaangai' longgom muno.

⁷Pai' pampulolou ra liliut giu' ra ralan-ralan giu' ra bandar, kapoam tumanggau ra intok ru bandar ondo' masiluk.

⁸Amon makakito kou ra sangulun ruandu' mantalur, pagilong sala' no. Pai' kabunduk ra kinantalur ru sangulun ruandu' ondo' sala' ka andu' muno, sabap ra baal raginio mapasimbuluk ra sinto ru guang koson ra apui. Masuang ulun pinalayau noyo ru kinantalur ru ruandu'.

⁹Pai' pantuturung mabaya' ra andu' ru ulun bokon am pai' bunsag am pagiginum riso sabap okou makaguang lumaai riso, am maibit-ibit ru sinto ru guang muno saboi okou malungganang. Pabukatan ra ulun bokon

¹⁰Pai' tatango' rangan ra nakalair, sabap okou kalo makatuum ra ulun bokon koson riso. Kubayau nogondo' ra wain: buoi kabuoi gumaai maamis.

¹¹Pai' solon amon sangulun ondo' makatula no makasingkot; okou kalo nakapandai atan karaat lumumpa' riso.

¹²Pai' kasaga' ra baal ondo' masauk ra katasuan ra ulun malaat, sabap ra ilo kalo makapagiru' intor ra ukuman saboi ilo matoi.

¹³Inggaluri' noyo ulun ondo' makakuasa' koson mampatoi rirun, am okou pana kalo imboloon ru laa' ra patayan. Kaa' amon ru okou musiti' minggaar risilo, pai' pambaal ra kasalaan maa' raginio kalo mampatoi ilo rirun. Karaa' noyo ra okou magail malaa' am koson matasu' sukuon.

¹⁴Pirot no toojo koson mangulig ra ulun ra libung muno, am pakibilin no ra ulun mapintar.

¹⁵Pansusunur kano ra ulun mapandai, am sunur mino musiti' intor ra ukum ri Aki Kapuuno' Ondo' Masawat Kaga'.

¹⁶Musiti' ulun mabanis guang masauk ra kubayau molongkot muno, am malaa' ra Tuhan masauk kaantakan muno. Ulun-ulun manguasa'

¹⁷Rorondo' kuliamos omporon sabap kalindu' ru ulun nambaal no, am sangulun tingganai ru mamagun ondo' mapintar omporon sabap ragu nano.

¹⁸Ulun ondo' masaga' makimansunur am masuang ragu, kalaanin am kasisangin ru ulun ra rondo' intok nilo.