Read Timugon Murut JISAYA 20 Bible Online

JISAYA 20 - Timugon Murut bible

JISAYA 20

¹Sumugut ra nanusuban ru Raja' Sargon, raja' ru Asyur, panglima ru saujor Asyur nangayou ra Asdod, bandar ru ulun ru Palistin.

²Talu ngambilor ra nakapagulu, nanusub TUHAN ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

³Bulintok ra Asdod pinarinta, mindagu TUHAN, “Jisaya, ulipon Kuno minugar ra nagibabaang am kalo nangkasut buoi talu ngambilor. Tatandu' ragitio koson pulanu masauk giu' ra Misir am Itiopia.[36]

⁴Rokopon ru raja' ru Asyur ulun intor ra karuruo pagun no am anjungon. Matutuo am mamulok, ngaangai' no magibaang ra mugar am kalo mangkasut, tumbung nilono makito, koson pagasaban ra Misir.

⁵Ulun ondo' lumansan ra Itiopia[37] am mamanggo ra Misir masindualan ra guang. Kalansanan nilono matutuk.

⁶Bulintok raginio, ulun ondo' minayan ra libung ru nagas pagun ru Palistin no mindagu, ‘Ilai' noyo baal ondo' nasauk ra bansa' ondo' kalansanin takano koson mangampin ritakau intor ra pangayawan ru raja' ru Asyur! Ati kulaan takau maayag?’ ”