Read Timugon Murut PINARUANG RA DANIL 1 Bible Online

PINARUANG RA DANIL 1 - Timugon Murut bible

PINARUANG RA DANIL 1

⁴

⁵

²⁴Katalu ngaulun no minugar-ugar giu' ra tatanga' simbula' ru apui liliwa' narimbai ri Aki Kapuuno' am niayuk nongompor ra Tuhan.

²⁵I Ajaria pana minigor giu' ra tatanga' ru apui am pakiasi' koson ragitio:

²⁶“Koompor Kono, Tuhan, i Aki Kapuuno' ru kinamatuaan mai, ondo' sotopot no urumaton, am katulayon inggalan Muno ra sabubuoi no!

²⁷Sabap raginio Okou matimpok ralalom ru ngaangai' baal ondo' binaal Muno ramon; motopot ngaangai' kandoi Muno! Ngaangai' ralan Muno mabanis, am motopot poyo ngaangai' kapatasan Muno!

²⁸Kapatasan-kapatasan motopot pinaugar Mu noyo ralalom ru ngaangai' no ondo' pinaratong Muno ra inan mai am ra bandar mapasau ru kinamatuaan mai, iono Jirusalim. Totopot, maaya' ra katimpakan am katapatan pinaratong Mu ngaangai' no sabap ra ngaangai' ru tula mai!

²⁹Topot ra makatula akai noyo am nambaal ra malaat am timinalikur intor Rirun; topot ra akai nambaal ra masuang tula, am susuban Muno kalo rinongog mai.

³⁰Kalo binaal mai atan ondo' nanusuban ramon, alika ginio koson ra kaatangan mai galama'.

³¹Totopot matimpok ngaangai' ondo' binaal Muno ramon.

³²Pinataak Mu akai ra kalindu' ru pantula' ondo' malaat, ra ulun malaat ondo' kalo makaulig ra ukum, ra raja' ondo' malaat kaga' ra tana' ti.

³³Raino akai ondo' sumamba Rirun asabin am tauyuon, am poyo kalo baani akai mampagaal ra kabang.

³⁴Kaa' sabap ra kaurumatan Muno galama', pai' lungkang ra nabantuan Muno ramon pai' pangiruan ramon koson ra sabuoi no.

³⁵Pai' luguto' saguli' guang makaasi' Muno intor ramon sabap ri Abragam ondo' tagamin Muno, sabap ri Isak ulipon Muno am sabap ri Jakub, ulun pinili' Muno.

³⁶Nabantu' Kou mangani' risilo ra papag masuang kaga' koson ra suang ru butitin giu' ra limbowon kapoam agis giu' ra nagas.

³⁷Kaa' raino, iou Tuhan, akai boborok poyo intor ra bansa' ra ati pana. Giu' ra ati-ati asabin akai sabap ra ngaangai' tula mai.

³⁸Raino iniruanan akai ra kolondo' raja', kolondo' nabi kapoam tingganai. Kolondo' taak simbalui solobon, taak simbalui, taak simbalui ra pasulungon kapoam kaminyan. Kolondo' niayuk intok koson mampataak ra tayar kasaa' ampos ru tana' mai am makimasi' Rirun.

³⁹Kaa' matong akai Rirun ra minggana' guang am totopot pansagulian guang. Kasaga' no mangapu ramon ra moonsoi, ilain koson ra matong akai mabaya' ra taak riribu sapi' am domba koson taak simbalui solobon.

⁴⁰Gama' ru masaga' Kou mangapu ra pansagulian guang mai koson ra taak simbalui mai ra orou raiti'. Gama' ru marayus akai maya' Rirun, sabap ra ulun ondo' mangintopot Rirun kalo sindualin guang.

⁴¹Raino maya' akai Rirun ra rondo' guang am makiasi' Rirun ra gumagaya'. Pai' no panauyu' ramon,

⁴²kaa' pamakuan ramon ra mataau guang am maaya' ra guang makaasi' Muno ondo' maayo.

⁴³Iou Tuhan, bayago' akai ra binaal Muno ondo' makaimuag am pakitono' toojo katulayan ru inggalan Muno.

⁴⁴“Polosoon noyo ngaangai' ulun ondo' nangimbolo' ra ulipon-ulipon Muno asabin am tauyuon. Alapo' noyo kuasa' am kinabaani nilo am pandako' kaikangan nilo,

⁴⁵maa' raginio makapandai ilo ra Okou noyo Tuhan, i Aki Kapuuno' Ondo' Rondo' ayuk, ondo' makakuasa' ra titikop ru tana' ti.”

⁴⁶Ulun-ulun mangandoi ra raja' ondo' nampapatir ra katalu ngaulun ungkuyon mamulok no giu' ralalom rapuan makaapui, nagalung ra apui maa' raginio maayo simbula' no ra pinasubo umau, tiir, rami am bulisang-bulisang ra ralalom no.

⁴⁷Rila' ru apui nanimbula' ra sawat no talu ngoopor ngamito,

⁴⁸saboi bibilak mingkual am monolob ra ulun-ulun ru Babil ondo' minigor ra mamaar no.

⁴⁹Kaa' malaikat ru Tuhan minatong ra katalu ngaulun ungkuyon mamulok giu' ralalom ru rapuan makaapui am napagiru' ra simbula' ru apui intor ra rapuan makaapui.

⁵⁰Pamalimanan no koson ra angin moonsoi sumiob. Katalu ngaulun ungkuyon mamulok no kalo natiu' am kalo rinualan kapoam inumpo ru apui ra kasanganu pana.

⁵¹Kopongo raginio katalu ngaulun ungkuyon mamulok giu' ralalom ru rapuan makaapui nagagampan narimbai ra rimbai pangamparan ri Aki Kapuuno':

⁵²“Gama' ru omporon Kou, iou Tuhan, i Aki Kapuuno' ru kinamatuaan mai, gama' ru urumaton am katulayon Kou ra sabubuoi no. Koompor noyo inggalan Muno ondo' mapasau am matulai, gama' ru urumaton am katulayon Kou ra sabubuoi no.

⁵³Koompor Kono giu' ra Baloi Muno ondo' maayo am matulai, gama' ru kinaayo Muno rimbayon ra sabubuoi no.

⁵⁴Koompor Kono ondo' nanturung ra kurisi' raja' giu' ra rasawat ru kirub am nagilong ra ragana', intok ru ulun minatoi, gama' ru omporon am katulayon Kou ra sabubuoi no.

⁵⁵Koompor Kono giu' ra rasawat ru panturungan raja' ru pamarintaan Muno, gama' ru kinaayo Muno rimbayon ra sabubuoi no.

⁵⁶Koompor Kono giu' ra biningkal ra limbowon gama' ru kinaayo Muno rimbayon ra sabubuoi no.

⁵⁷“Omporo' noyo Tuhan, akau ngaangai' ondo' inangun ru Tuhan, rimbayi' Io ra pangamparan am katulayo' Io ra sabubuoi no.

⁵⁸Omporo' noyo Tuhan, okou limbowon ra maayo, rimbayi' Io ra pangamparan am katulayo' Io ra sabubuoi no.

⁵⁹Omporo' noyo Tuhan, akau ngaangai' malaikat ru Tuhan, rimbayi' Io ra pangamparan am katulayo' Io ra sabubuoi no.

⁶⁰“Omporo' noyo Tuhan, akau ngaangai' timug giu' ra rasawat ru limbowon, rimbayi' Io ra pangamparan am katulayo' Io ra sabubuoi no.

⁶¹Omporo' noyo Tuhan, akau ngaangai' kuasa' giu' ra suruga', rimbayi' Io ra pangamparan am katulayo' Io ra sabubuoi no.

⁶²Omporo' noyo Tuhan, akau ru mato ru orou am sila', rimbayi' Io ra pangamparan am katulayo' Io ra sabubuoi no.

⁶³Omporo' noyo Tuhan, akau butitin-butitin giu' ra limbowon, rimbayi' Io ra pangamparan am katulayo' Io ra sabubuoi no.

⁶⁴Omporo' noyo Tuhan, akau rasam am bolobou, rimbayi' Io ra pangamparan am katulayo' Io ra sabubuoi no.

⁶⁵Omporo' noyo Tuhan, akau ngaangai' angin, rimbayi' Io ra pangamparan am katulayo' Io ra sabubuoi no.

⁶⁶Omporo' noyo Tuhan, akau apui am malasu', rimbayi' Io ra pangamparan am katulayo' Io ra sabubuoi no.

⁶⁷Omporo' noyo Tuhan, akau malasu' am masimu', rimbayi' Io ra pangamparan am katulayo' Io ra sabubuoi no.

⁶⁸Omporo' noyo Tuhan, akau bolobou am ais, rimbayi' Io ra pangamparan am katulayo' Io ra sabubuoi no.

⁶⁹Omporo' noyo Tuhan, akau orou am rondom, rimbayi' Io ra pangamparan am katulayo' Io ra sabubuoi no.

⁷⁰Omporo' noyo Tuhan, akau matawang am molondom, rimbayi' Io ra pangamparan am katulayo' Io ra sabubuoi no.

⁷¹Omporo' noyo Tuhan, akau angin masimu' am ais, rimbayi' Io ra pangamparan am katulayo' Io ra sabubuoi no.

⁷²Omporo' noyo Tuhan, akau bolobou mokotog am ais, rimbayi' Io ra pangamparan am katulayo' Io ra sabubuoi no.

⁷³Omporo' noyo Tuhan, akau ganit am gaun majuut, rimbayi' Io ra pangamparan am katulayo' Io ra sabubuoi no.

⁷⁴“Musiti' tana' ti mongompor ra Tuhan, rimbayi' Io ra pangamparan am katulayo' Io ra sabubuoi no.

⁷⁵Omporo' noyo Tuhan, akau gunung am bulur, rimbayi' Io ra pangamparan am katulayo' Io ra sabubuoi no.

⁷⁶Omporo' noyo Tuhan, akau ngaangai' tutuu' ra tana' ti, rimbayi' Io ra pangamparan am katulayo' Io ra sabubuoi no.

⁷⁷Omporo' noyo Tuhan, akau raat am sungoi, rimbayi' Io ra pangamparan am katulayo' Io ra sabubuoi no.

⁷⁸Omporo' noyo Tuhan, akau ngaangai' taur ru timug, rimbayi' Io ra pangamparan am katulayo' Io ra sabubuoi no.

⁷⁹Omporo' noyo Tuhan, akau papait-papait maayo am ngaangai' ondo' naayag giu' ralalom ru timug, rimbayi' Io ra pangamparan am katulayo' Io ra sabubuoi no.

⁸⁰Omporo' noyo Tuhan, akau susuit-susuit ra mansisiab, rimbayi' Io ra pangamparan am katulayo' Io ra sabubuoi no.

⁸¹Omporo' noyo Tuhan, akau bibiag masigo am tinambiag, rimbayi' Io ra pangamparan am katulayo' Io ra sabubuoi no.

⁸²“Omporo' noyo Tuhan, akau ngaangai' ulun ra tana' ti, rimbayi' Io ra pangamparan am katulayo' Io ra sabubuoi no.

⁸³Omporo' noyo Tuhan, akau ulun ru Israil, rimbayi' Io ra pangamparan am katulayo' Io ra sabubuoi no.

⁸⁴Omporo' noyo Tuhan, akau imam-imam, rimbayi' Io ra pangamparan am katulayo' Io ra sabubuoi no.

⁸⁵Omporo' noyo Tuhan, akau ulipon-ulipon ru Tuhan, rimbayi' Io ra pangamparan am katulayo' Io ra sabubuoi no.

⁸⁶Omporo' noyo Tuhan, akau ulun Nano ondo' gumagaya', rimbayi' Io ra pangamparan am katulayo' Io ra sabubuoi no.

⁸⁷Omporo' noyo Tuhan, akau ngaangai' ondo' mapasau am minggana' guang, rimbayi' Io ra pangamparan am katulayo' Io ra sabubuoi no.

⁸⁸Omporo' noyo Tuhan, akau Gananya, Ajaria am Misail, rimbayi' Io ra pangamparan am katulayo' Io ra sabubuoi no. Sabap ra pinalabus No itakau intor ra tana' ru ulun minatoi am namayag ritakau intor ra kuasa' ru kapatayan. Pinaingkual No itakau intor ra rapuan makaapui ondo' mapaang am namunduk ritakau intor ra tatanga' ru apui.

⁸⁹Paringkuanang takano ra Tuhan sabap ra moonsoi Io, makaasi' Io koson ra sabubuoi no.

⁹⁰Omporo' noyo i Aki Kapuuno', akau ngaangai' ondo' sumamba Riso, rimbayi' i Aki Kapuuno' ru ngaangai' aki kapuuno' am paringkuanang kano Riso, sabap ra guang makaasi' Nano koson ra sabubuoi no.”