Read Timugon Murut YEHEZKIEL 15 Bible Online

YEHEZKIEL 15 - Timugon Murut bible

YEHEZKIEL 15

¹Indagu TUHAN raki',

²“Okou ulun mapandai matoi, atan kia nansala' ra puun ru anggur am puun tataun ra bokon? Atan kia onong ru bulisang ru puun ru anggur amon ru pinogondo' ra puun tataun giu' ra kataunan?

³Mokoonong kia bulisang ru puun ru anggur no koson mambaal ra atan-atan? Maalap kia kabaal bulisang no ra paku' papasangutan ra kuliamos?

⁴Bulisang kolondo' onong ondo' ak am saukon ra luton. Paat ra karuo-ruo ra pompor no makai' mosolob am tampilon ra tanga' no naumpo, lakat poyo kia mokoonong?

⁵Sotopot no, kalo poyo mosolob bulisang ru puun ru anggur no totopot kolondo' noyo onong. Mulu' poyo malupus sinolob, bulisang no totopot kolondo' noyo boo onong!”

⁶Gitio noyo ragu ru TUHAN Raja', “Koson ra bulisang ru puun ru anggur inalap intor ra kataunan am sinolob, koon niayuk ra pamakuan Kuno ra mamagun ru Jirusalim,

⁷am mangukum risilo. Kabalu' pana nakalabus ilo intor ra apui, solobon ilo ra apui niayuk. Paat ra Aku mangukum risilo ra tauli no, bagu no makapandai kou ra Aku noyo TUHAN.

⁸Kalo gumagaya' ilo Raki'. Ginio ra pasaukon Ku pagun nilo ra tana' kaagisan.” TUHAN Raja' nakaindagu noyo.