Read Timugon Murut JUNUS 2 Bible Online

JUNUS 2 - Timugon Murut bible

JUNUS 2

¹Intor ralalom tinai' ru papait, makiasi' i Junus ra TUHAN i Aki Kapuuno' nano. Kono,

²“Iou TUHAN, ralalom ru kapaganan kuno mampiau aku Rirun, am tumaam Kou raki'. Intor ra intok ru ulun minatoi makiindangan aku, norongog am lioon Mu kitaakon kuno.

³Pinatiran Mu aku ra intok ondo' malandom, saboi ra lonor ru raat. Giu' no aug ru timug liminiput raki', kinulun lumapos raki'.

⁴Ralalom ru guang kuno mindagu aku: Nampagiru' noyo TUHAN raki' intor ra saang Nano. Kalo boo makapagilong aku ra baloi matulai ondo' inayanan Nano.

⁵Timug ru raat nagaloi suku' ra bibil kuno, raat malandom liminiput ra inan kuno, sakot ru raat riminilit ra ulu kuno.

⁶Timinuun aku saboi ra lonor ru kabuluran, ra intok ondo' garabang kinunsi' suku' ra sabuoi-buoi no.[4] Paat ra painawo kuno mamaar mutus intor ra inan kuno, mangkara' aku ra TUHAN, am mampiau aku Rirun. Okou, iou TUHAN, iningo' pakiasian kuno, giu' ra Baloi Muno ondo' matulai. Intor ra raat ondo' malandom, Okou mamayag raki', iou TUHAN, i Aki Kapuuno' kuno!

⁸Ilo ondo' sumamba ra sinungkalalaing ondo' kolondo' onong, mangiruan Rirun am kalo boo gumagaya'.

⁹Kaa' marimbai aku ra rimbai pangamparan Rirun am pataakon ku taak simbalui kuno Rirun. Suguton ku ngaangai' bantu' kuno. Okou no TUHAN ondo' mamayag.”

¹⁰Kopongo raginio, ra susuban ru TUHAN, linuka' boo i Junus ru papait giu' ra lantur.