Read Timugon Murut UNTABAN 26 Bible Online

UNTABAN 26 - Timugon Murut bible

UNTABAN 26

¹Pakataru' maruol tumapik no, indagu TUHAN ri Musa am i Iliajar anak ri Arun,

²“Akau musiti' manguntob ra ngaangai' ulun ru Israil sumugut ra sasambaloi ru sigagama'. Ngaangai' ungkuyon ondo' umur no nasailan ruo ngoopor ngambilor am ondo' maaya' masauk ra saujor musiti' untobon.”

³Ginagaya' ri Musa am i Iliajar susuban ru TUHAN. Tinimung nilo ngaangai' ungkuyon ondo' umur no nasailan ruo ngoopor ngambilor. Timinimung ilo giu' ra tana' marata' Moab, giu' ra sandaup ru Sungoi Jordan, nantaluma' ra bandar Jiriko. Gitilo noyo ulun ru Israil ondo' miningkual intor ra Misir:

⁴

⁵Bansa' ru Rubin, anak katuaan ri Jakub: bansa' ru Ginok, Palu,

⁶Gijron am Karmi.

⁷Suang ru ungkuyon ra bansa' raginilo 43,730 ngaulun.

⁸Anak ri Palu iono i Iliab,

⁹am anak-anak ri Iliab iono i Nimuil, i Datan am i Abiram. I Datan am i Abiram pinili' ru bansa' raginio koson ra tingganai ru mamagun, kaa' minanggal ilo ri Musa am i Arun. Siminaung i Datan am i Abiram ra maamaya' ri Kora paat ilo giminuor ra TUHAN.

¹⁰Paat ragili nalapak tana' am nonolon risilo. Minatoi ilo nababaya' ri Kora am maamaya' nano, paat ra apui namuso ra 250 ngaulun ungkuyon, am kasaukan raginio nasauk ra papakaraan ra ulun ru Israil.

¹¹Kaa' anak-anak ungkuyon ri Kora kalo minatoi.

¹²Bansa' ru Simion: bansa' ru Nimuil, Jamin, Jakgin,

¹³Jirag am Saul.

¹⁴Suang ru ungkuyon ralalom ru bansa' ragitilo 22,200 ngaulun.

¹⁵Bansa' ru Gad: bansa' ru Jipon, Gagi, Syuni,

¹⁶Ojini, Iri,

¹⁷Arod am Arili.

¹⁸Suang ru ungkuyon ralalom ru bansa'-bansa' ti 40,500 ngaulun.

¹⁹Bansa' ru Jiuda: bansa' ru Syila, Piris, Jirag,

²⁰

²¹Gijron am Gamul. Ruo ngaulun anak ungkuyon ri Jiuda iono i Ir am i Onan, minatoi noyo giu' ra Kanaan.

²²Suang ru ungkuyon ralalom ru bansa' ragitilo 76,500 ngaulun.

²³Bansa' ru Isakar: bansa' ru Tola, Pua,

²⁴Jasub am Simron.

²⁵Suang ru ungkuyon ralalom bansa' ragitilo 64,300 ngaulun.

²⁶Bansa' ru Jibulon: bansa' ru Sirid, Ilon am Jagliil.

²⁷Suang ru ungkuyon ralalom ru bansa'-bansa' ti 60,500 ngaulun.

²⁸Papag ri Jusup; mokoondo' io ruo ngaulun anak ungkuyon, i Manasi am i Ipraim.

²⁹Bansa' ru Manasi: I Makgir anak ri Manasi, iono ama' ri Giliad am bansa'-bansa' ragitio iono papag ri Giliad:

³⁰bansa' ru Iijir, Gilik,

³¹Asriil, Sikgim,

³²Simida am Gipir.

³³I Jilapiad anak ri Gipir kolondo' anak ungkuyon. Anak-anak ruandu' nano iono i Mala, i Noa, i Golga, i Milka am i Tirja.

³⁴Suang ru ungkuyon ralalom ru bansa'-bansa' ti 52,700 ngaulun.

³⁵Bansa' ru Ipraim: Bansa' ru Sutila, Bikgir am Tagan.

³⁶Sutila iono kinamatuaan ru bansa' ru Iran.

³⁷Suang ru ungkuyon ralalom ru bansa'-bansa' ti 32,500 ngaulun. Ginilo noyo bansa'-bansa' ru papag ri Jusup.

³⁸Bansa' ru Binjamin: bansa' ru Bila, Asybil, Agiram,

³⁹Sipupam am Gupam.

⁴⁰I Bila iono kinamatuaan ru bansa' ru Arid am Naaman.

⁴¹Suang ru ungkuyon ralalom ru bansa' ragitio 45,600 ngaulun.

⁴²Bansa' ru Dan: bansa' ru Sugam.

⁴³Suang ru ungkuyon ralalom ru bansa'-bansa' ragitio 64,400 ngaulun.

⁴⁴Bansa' ru Asyir: bansa' ru Jimna, Jiswi am Biria.

⁴⁵I Biria iono kinamatuaan ru bansa' ru Gibir am Malkiil.

⁴⁶Mokoondo' i Asyir ra sangulun anak ruandu' makainggalan ri Sira.

⁴⁷Suang ru ungkuyon ralalom ru bansa'-bansa' ragitio 53,400 ngaulun.

⁴⁸Bansa' ru Naptali: bansa' ru Jagjiil, Guni,

⁴⁹Jijir am Syilim.

⁵⁰Suang ru ungkuyon ralalom ru bansa'-bansa' raginio 45,400 ngaulun.

⁵¹Suang ru ngaangai' ungkuyon ru ulun ru Israil ondo' inuntob iono 601,730 ngaulun.

⁵²Indagu TUHAN ri Musa,

⁵³“Tayaro' noyo tana' no ra bansa'-bansa' ti sumugut ra suang nilo.

⁵⁴Tayaro' noyo tana' no ra magundi'. Pataako' noyo tayar ondo' maayo ra bansa' ondo' maayo, am tayar ondo' boborok ra bansa' ondo' boborok.”

⁵⁵

⁵⁶

⁵⁷Bansa' ru Liwi nakaaya' bansa' ru Girson, Kigat am Mirari.

⁵⁸Ralalom ru papag nilo nakaaya' bansa' ru Libni, Gibron, Magli, Musi am Kora. Kigat iono ama' ri Amram.

⁵⁹I Amram naguot ri Jokgibid, anak ruandu' ri Liwi. I Jokgibid inanak giu' ra Misir. I Amram am i Jokgibid makaanak ungkuyon ruo ngaulun, i Arun am i Musa, am sangulun anak ruandu' makainggalan ri Miriam.

⁶⁰I Arun mokoondo' anak ungkuyon apat ngaulun: I Nadab, i Abigu, i Iliajar am i Itamar.

⁶¹I Nadab am i Abigu minatoi paat ilo napataak ra apui ondo' kalo kasagaan ru TUHAN.

⁶²Ungkuyon intor ra bansa' ru Liwi ondo' umur no nasailan sansila' suang no 23,000 ngaulun. Pinarijisto ilo nansuai ra ulun ru Israil ra bokon sabap kalo makaalap ilo ra tana' tungkus giu' ra tana' Israil.

⁶³Ngaangai' ru bansa' no pinarijisto ri Musa am i Iliajar paat ra ilo nanguntob ra ulun ru Israil giu' ra tana' marata' Moab, giu' ra sandaup ru Sungoi Jordan, nantaluma' ra bandar Jiriko.

⁶⁴Popolos ru ilo ondo' pinarijisto ri Musa giu' ra Tana' kaagisan Sinai, kolondo' sangulun pana ondo' lakat poyo naayag.

⁶⁵Minindagu TUHAN ra matoi ilo ngaangai' giu' ra tana' kaagisan. Minatoi ilo ngaangai' ondo' ayuk am i Kalib anak ri Jipuni am i Josua anak ri Nun.