Read Timugon Murut JAKARIA 2 Bible Online

JAKARIA 2 - Timugon Murut bible

JAKARIA 2

¹Ralalom ru pinaintalang ra sumunu' no, nakito ku sangulun ungkuyon ondo' nampaguut ra kalat panuku'.

²Nangkuot aku riso, “Ati angayan muno?” Taam io, “Masaga' aku manuku' ra Jirusalim. Moogot aku makapandai ra gawar am pila' ru bandar no.”

³Aku pana nakakito boo ra malaikat ondo' minindagu raki' no, jiminalai, am rondo' malaikat ra bokon minuma' riso.

⁴Malaikat ondo' kasaa' mindagu ra malaikat ondo' karuo, “Ribaki' ongoi ra ungkuyon mamulok ondo' nampaguut ra kalat panuku' no, am balai' io ra Jirusalim mososok ra ulun am bibiag tinambiag, saboi timbok ru bandar no kalo boo maalap kabaal.

⁵TUHAN nambantu' ra Io galama' masauk ra timbok ru apui ondo' lumibung ra bandar no koson manindung riso, am mayan Io ra giu' ra ngaangai' ru katulayan Nano.”

⁶Indagu TUHAN ra ulun Nano, “Pinantutuliar Takamin noyo giu' ra ngaangai' intok. Kaa' raino, akau ulun pinatiran, pagiru' kano intor ra Babilonia am saguli' kano ra Jirusalim.

⁸Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra TUHAN Ondo' Maayo Kaga' Kuasa'[1] nanusub raki' mampasaboi ra tanou ti ra bansa'-bansa' ondo' nantakou ra ulun Nano,

⁹“TUHAN galama' manggal ramuyun. Takawin kau ru ulun ondo' ragili ulipon min galama'.” Paat ra baal raginio masauk, ngaangai' ulun makapandai ra TUHAN Ondo' Maayo' Kaga' Kuasa' nanusub noyo raki'.

¹⁰Indagu TUHAN, “Parimbai kano ra maansukan, akau mamagun ru Jirusalim! Mayan Aku ra tatanga' min!”

¹¹Paat raginio masuang bansa' matong ra TUHAN koson masauk ra ulun Nano. Mayan io ra tatanga' min, am makapandai kau boo ra TUHAN nanusub noyo raki' mongoi ramuyun.

¹²Igondo' poyo Jiuda masauk ra longgom ru TUHAN ayuk giu' ra tana' Nano ondo' matulai, am Jirusalim masauk ra bandar ondo' tagamin Nano kaga'.

¹³Akau ngaangai' ulun, pongkoror kano ra saang ru TUHAN sabap minintor Io noyo intor ra intok inayanan Nano ondo' matulai.