Read Timugon Murut SAGULION 23 Bible Online

SAGULION 23 - Timugon Murut bible

SAGULION 23

¹“Ulun ondo' inintalian noyo kapoam pinutut tali' nano kalo masauk ra ulun ru TUHAN.

²“Ulun ondo' inanak ra sawa' am ngaangai' papag nano saboi ra ondo' koopor kalo masauk ra ulun ru TUHAN.

³“Ulun ru Amon am ulun ru Moab am niayuk papag nilo saboi ra ondo' koopor, kalo masauk ra ulun ru TUHAN.

⁴Kalo masaga' ilo mangani' ramuyun ra akanon am timug paat pangkiralanan min miningkual intor ra Misir. Nambayar ilo ri Biliam anak ri Bior, intor ra bandar Pitor giu' ra Misopotamia, koson nagulas ramuyun.

⁵Kaa' TUHAN i Aki Kapuuno' min kalo masaga' rumongog ri Biliam. Kaa' nangulau Io ra ulas no nasauk ra barakat, sabap ra motogom Io ramuyun.

⁶Buoi ra akau maayag am saboi ra sabuoi-buoi no, pai' pambaal ra atan-atan koson mangindangan ra bansa'-bansa' raginio, kapoam mapasauk risilo ra langkaya'.

⁷“Pai' pagasab ra ulun ru Idom, sabap ilo pabukat min. Pai' pagasab ra ulun ru Misir, sabap galing i minayan kau ra pagun nilo.

⁸Papag nilo ra katalu am rayus no, iowon masauk ra ulun ru TUHAN.”

⁹“Paat ra pangayawan, paat ra akau mangkalukub, alungi' inan mino am inggio' atan ayuk ondo' mapajamol ramuyun.

¹⁰Paat ra sasangulun masauk ra majamol sabap nangingkual ra uwa' paat ra rondom, musiti' io mingkual intor ra pangkiman am mayan ra giu' no.

¹¹Mamaar mamai' musiti' io mariu', am paat ra tumolop mato ru orou bagu no iowon io sumaguli' ra pangkiman.

¹²“Musiti' kau mambaal giu' ra liwar ru pangkiman koson intok mampangara'.

¹³Paat ra akau masaga' mampangara', ibito' niayuk saputul tataun suai ra kaukapan min koson mangkali ra luang am mamumpun no poyo.

¹⁴Alungi' noyo maa' raginio pangkiman min kalo majamol, sabap ra TUHAN i Aki Kapuuno' min mabaya' ramuyun giu' ra pangkiman no koson manindung ramuyun am manaak ramuyun ra kamanangan intor ra pantula'. Pai' pambaal ra atan-atan ondo' kalo matanda', ondo' mangkinibit ra TUHAN mangiruan ramuyun.”

¹⁵“Amon ru sangulun ulipon nagiru' intor ra tuan nano matong ramuyun koson makiampin, pai' io susubo' muli'.

¹⁶Makaayan io ra bandar ra ati ayuk ondo' pilion nano. Pai' kalaat pamakuan riso.

¹⁷“Ulun ru Israil, iou pana ungkuyon kabalu' pana ruandu', kalo iowon masauk ra mantatalan ra inan giu' ra kuil-kuil ru sinungkalalaing.

¹⁸Ruit ondo' moowot ra ralan ragitio kalo iowon ibiton ra ralalom Baloi ru TUHAN i Aki Kapuuno' min koson manugut ra nazar. Mantatalan ra inan giu' ra kuil ru sinungkalalaing kasisangin ru TUHAN.

¹⁹“Paat ra akau mapaira' ra ruit, akanon, kapoam atan ayuk ra gino ngai' ru Israil, pai' pakitaak ra bunga'.

²⁰Makapakitaak kau ra bunga' paat akau mapaira' ra ulun bansa' ru bokon, kaa' kalo pambaalon kau koson raginio paat mapaira' ra ulun sabansa' ramuyun. Gagayaa' noyo aturan ragitio, bagu no mambarakat TUHAN i Aki Kapuuno' min ra ngaangai' ondo' baalon min giu' ra tana' ondo' ayanin min.

²¹“Amon ru mokoondo' kau nazar ra TUHAN i Aki Kapuuno' min, pai' lungkang manugut ra nazar no. Sikaan ru TUHAN nazar mino, am makatula kau amon ru kalo suguton ginio.

²²Akau kalo makatula amon ru kolondo' nazar min ra TUHAN;

²³kaa' amon ru akau ra kasagaan ru guang mokoondo' ra nazar ra TUHAN i Aki Kapuuno' min, suguto' min nazar mino.

²⁴“Paat ra akau mugar mansail ra umo ru anggur ru ulun bokon, iowon kau mangakan ra kawa' ru anggur ra kula' suang ondo' kasagaan min, kaa' kalo panimungon kau raginio ralalom bakul.

²⁵Paat ra akau mugar mansail ra umo ru gandum ru ulun bokon, makaakan kau ra gandum ondo' katuon min ra kalindu', kaa' kalo iowon kau mamutul raginio ra tantab.”