Read Timugon Murut JOSUA 15 Bible Online

JOSUA 15 - Timugon Murut bible

JOSUA 15

¹Sasambaloi ru bansa' ru Jiuda nangapu ra tayar ru tana' ondo' balitan no koson ragitio: Giu' ra tampilon rabugus, tana' no malangka' saboi ra pompor rabugus kaga' ru tana' kaagisan Jin, giu' ra balitan ru Idom.

²Balitan tampilon ra rabugus ti intor ra pompor ru tayar rabugus ru Raat Matoi,

³am rayus ra rabugus intor ra Ginting Akrabim saboi ra Jin. Balitan raginio mansail ra tampilon rabugus ru Kadis-Barnia, Gijron, am magaloi ra Adar, am lumikou ra mongoi ra Karka.

⁴Intor ra giu' balitan raginio saboi ra Ajmon, am mansusug ra sungoi boborok giu' ra balitan ru Misir saboi ra Raat Tanga'. Ginio noyo balitan tayar rabugus ru pagun Jiuda.

⁵Balitan no giu' ra tampilon sirangon iono Raat Matoi am rayus saboi ra teluk boborok ru raat raginio, giu' ra nangkabangan ru Sungoi Jordan. Balitan no giu' ra tampilon ralayo intor ra nangkabangan ru Sungoi Jordan,

⁶am pagaloi ra Bit-Golga, saboi ra ralayo tampak ru bulur ondo' tumingkuang ra Limayak Jordan. Intor ra giu' balitan no nagaloi ra Batu Bogan (Bogan iono anak ungkuyon ri Rubin),

⁷am intor ra Limayak Kapaganan nagaloi ra Dibir, am mongoi ra ralayo giu' ra Gilgal, ondo' nantaluma' ra Ginting Adumim giu' ra tampilon rabugus ru limayak raginio. Intor ra giu' no balitan no sumuku' ra taur ru timug In-Simis, am ra In-Rogil,

⁸am nagaloi mansail ra Limayak Ginom giu' ra tampilon rabugus ru bulur, intok ru Jirusalim, bandar ru ulun ru Jibusi. Intor ra giu' balitan no mongoi ra tampak ru bulur no, giu' ra tampilon kalasaan ru Limayak Ginom, iono giu' ra pompor ru tampilon ralayo ru Limayak Ripaim.

⁹Intor ra giu' balitan no mongoi ra taur ru timug Niptoa, saboi ra bandar-bandar mamaar ra Gunung Ipron. Intor ra giu' balitan lumikou ra Baala (iono Kiryat-Jiarim),

¹⁰am liminiput ra tampilon kalasaan ru Baala ra kabuluran ru Idom am mongoi ra tampilon ralayo ru Gunung Jiarim (kapoam Gunung Kisalon), am tumuun ra Bit-Simis am rayus ra Timna.

¹¹Intor ra balitan raginio mongoi ra bulur giu' ra tampilon ralayo Ikron, lumikou ra Sikron, mansail ra Gunung Baala saboi ra Jabniil. Balitan raginio polos ra Raat Tanga',

¹²ondo' nasauk ra balitan giu' ra tampilon kalasaan. Sasambaloi ru bansa' ru Jiuda minayan ra wilayah raginio.

¹³Koson ra nanusuban ru TUHAN ri Josua, santayaran intor ra wilayah Jiuda tinaakan ri Kalib anak ri Jipuni. Nakaalap i Kalib ra bandar Gibron, longgom ri Arba, iono ama' ri Inak.

¹⁴Pinagiru' ri Kalib papag ri Inak, iono bansa' Sisai, Agiman am Talmai miningkual intor ra bandar no.

¹⁵Intor ra giu' i Kalib minongoi bulunsar ra ulun ondo' minayan ra Dibir. (Ragili bandar no sabiton ra Kiryat-Sipir.)

¹⁶Indagu i Kalib, “Paanduin ku anak ruandu' kuno, i Aksa ra ulun ondo' makagaau ra Kiryat-Sipir.”

¹⁷Otniil anak ri Kinas, iono akon ri Kalib, nakagaau ra bandar no, am pinaanduan ri Kalib anak ruandu' nano, i Aksa ri Otniil.

¹⁸Paat ra orou paguatan no, jinajalan ri Otniil i Aksa[16] maa' raginio makitaak ra sampila' tana' intor ra ama' nano. Tuun i Aksa intor ra kaladai nano, am kuati' ri Kalib, “Atan kia kasagaan muno?”

¹⁹Taam i Aksa, “Masaga' aku ra kukula' taur ru timug. Tana' ondo' tinaakan muno raki' nakapaat ra tana' mapua'.” Ginio ra panaak i Kalib riso ra ruo taur ru timug giu' ra tampilon rasawat am tampilon ragana'.

²⁰Gitio iono tana' ondo' naapu ru bansa' ru Jiuda koson longgom nilo.

²¹Bandar-bandar ondo' maalur kaga' giu' ra rabugus, ondo' mamaar ra balitan ru Idom iono: Kabjiil, Idir, Jagur,

²²Kina, Dimona, Adada,

²³Kidis, Gajor, Jitnan,

²⁴Jiip, Tilim, Bialot,

²⁵Gajor-Gadata, Kiriot-Gijron (kapoam Gajor),

²⁶Amam, Sima, Molada,

²⁷Gajar-Gada, Gismon, Bit-Pilit,

²⁸Gajar-Sual, Birsyiba am ngaangai' pekan giu' ra liput no,

²⁹Baala, Iyim, Ijim,

³⁰Iltolad, Kisil, Orma,

³¹Jiklag, Madmana, Sansana,

³²Libaot, Silgim, Ain am Rimon: ngaangai' no 29 bandar nabaya' ra ngaangai' pekan giu' ra liput no.

³³Bandar-bandar giu' ra lonson toojo ru bulur iono Isytaol, Jora, Asna,

³⁴Janoa, In-Ganim, Tapua, Inam,

³⁵Jarmut, Adulam, Sokgo, Ajika,

³⁶Saaraim, Aditaim, Gidira am Gidirotaim; ngaangai' no 14 bandar nabaya' ra ngaangai' pekan giu' ra liput no.

³⁷Suai raginio mokoondo' poyo bandar Jinan, Gadasa, Migdal-Gad,

³⁸Dilian, Mijpa, Joktiil,

³⁹Lakgis, Bojkat, Iglon,

⁴⁰Kabon, Lagmas, Kitlis,

⁴¹Gidirot, Bit-Dagon, Naama, am Makida; ngaangai' no 16 bandar nabaya' ra ngaangai' pekan giu' ra liput no.

⁴²Suai raginio mokoondo' poyo bandar Libna, Itir, Asan,

⁴³Jipta, Asna, Nijib,

⁴⁴Kigila, Akjib am Marisa; ngaangai' no siam bandar nabaya' ra ngaangai' pekan giu' ra liput no.

⁴⁵Suai raginio nakasimpung niayuk Ikron nabaya' ra ngaangai' pekan am kampung-kampung,

⁴⁶am niayuk ngaangai' bandar am pekan ra liliut ru Asdod, intor ra Ikron saboi ra Raat Tanga'.

⁴⁷Suai raginio nakasimpung niayuk Asdod am Gaja, nabaya' ra ngaangai' pekan am kampung-kampung giu' ra liliut no, saboi ra sungoi boborok giu' ra balitan ru Misir am nagas ru Raat Tanga'.

⁴⁸Giu' ra intok kabuluran mokoondo' bandar Samir, Jatir, Sokgo,

⁴⁹Dana, Kiryat-Sana (kapoam Dibir),

⁵⁰Anab, Istimoa, Anim,

⁵¹Gosyin, Golon am Gilo; ngaangai' no 11 bandar nabaya' ra ngaangai' pekan giu' ra liput no.

⁵²Suai raginio nakasimpung niayuk bandar Arab, Duma, Isan,

⁵³Janum, Bit-Tapua, Apika,

⁵⁴Gumta, Kiryat-Arba (iono Gibron), am Jior; ngaangai' no siam bandar nabaya' ra ngaangai' pekan giu' ra liput no.

⁵⁵Suai raginio nakasimpung niayuk Maon, Karmil, Jiip, Juta,

⁵⁶Jijriil, Jokdiam, Janoa,

⁵⁷Kain, Gibia am Timna: ngaangai' no mopor bandar, nabaya' ra ngaangai' pekan giu' ra liput no.

⁵⁸Suai raginio nakaaya' niayuk bandar Galgul, Bit-Jur, Gidor,

⁵⁹Maarat, Bit-Anot am Iltikon; ngaangai' no onom bandar nabaya' ra ngaangai' pekan giu' ra liput no.

⁶⁰Suai raginio nakasimpung niayuk Kiryat-Baal (kapoam Kiryat-Jiarim) am Raba; ruo bandar nabaya' ra ngaangai' pekan giu' ra liput no.

⁶¹Giu' ra tana' kaagisan mokoondo' Bit-Araba, Midin, Sikakga,

⁶²Nibsan, Bandar Usi' am In-Gidi; ngaangai' no onom bandar nabaya' ra ngaangai' pekan giu' ra liput no.

⁶³Kaa' bansa' ru Jiuda kalo nakapapagiru' ra ulun ru Jibusi ondo' minayan giu' ra Jirusalim. Ulun ru Jibusi lakat poyo minayan ra giu' no nabaya' ra bansa' ru Jiuda.