Read Timugon Murut JOSUA 21 Bible Online

JOSUA 21 - Timugon Murut bible

JOSUA 21

¹Kopongo raginio tingganai ru sasambaloi intor ra bansa' ru Liwi minatong uma' ra Imam Iliajar, i Josua anak ri Nun am tingganai ru sasambaloi ru ngaangai' bansa' ru Israil.

²Giu' ra Silo, giu' ra tana' ru Kanaan indagu ilo, “Nanaak TUHAN ra susuban ondo' pinabala' galing ri Musa maa' raginio pataakon ramon bandar-bandar koson ra intok ayanan am padang sakot giu' ra liput ru bandar tayar ru bibiag tinambiag mai.”

³Ginio ra sumugut ra susuban ru TUHAN, manaak ulun ru Israil ra bansa' ru Liwi ra kukula' bandar am padang sakot ra liput no intor ra wilayah nilo galama'.

⁴Ngaangai' sasambaloi intor ra bansa' ru Kigat iono ondo' kasaa' nangapu ra bandar nilo. Nangapu papag ru Imam Arun ra mopor am talu bandar intor ra wilayah Jiuda, Simion am Binjamin.

⁵Bansa' ru Kigat ra bokon nangapu ra mopor bandar intor ra wilayah Dan, Ipraim am Manasi Kalasaan.

⁶Bansa' ru Girson nangapu ra mopor am talu bandar intor ra wilayah Isakar, Asyir, Naptali am Manasi Sirangon.

⁷Ngaangai' sasambaloi intor ra bansa' ru Mirari nangapu ra mopor am ruo bandar intor ra wilayah Rubin, Gad am Jibulon.

⁸Ginio noyo ra inundi',[21] nanaak ulun ru Israil ra bandar am padang sakot ra liput no ra bansa' ru Liwi, koson ra nanusuban ru TUHAN ondo' pinabala' galing ri Musa.

⁹Gitio noyo inggalan ru bandar intor ra wilayah Jiuda am Simion ondo' pinataakan

¹⁰ra papag ri Arun, iono rondo' ra sasambaloi intor ra bansa' ru Kigat papag ru Liwi. Nakaalap ilo ra tayar ondo' kasaa'.

¹¹Nangapu ilo ra bandar Arba (Arba iono ama' ri Inak), ondo' raino sabiton ra Gibron, giu' ra kabuluran ru Jiuda, nakasimpung padang sakot ra liput no.

¹²Kaa' tana' padang am ngaangai' pekan giu' ra liliut ru bandar no pinataakan ri Kalib anak ri Jipuni koson ra longgom nano.

¹³Suai ra bandar Gibron (rondo' ra bandar pangampinan), bandar ragitio pinataakan ra papag ri Arun: bandar Libna,

¹⁴Jatir, Istimoa,

¹⁵Golon, Dibir,

¹⁶Ain, Juta am Bit-Simis nabaya' ra padang sakot ra liput no; ngaangai' no siam bandar intor ra bansa' ru Jiuda am Simion.

¹⁷Intor ra wilayah Binjamin, nangapu ilo ra apat bandar: bandar Gibion, Giba,

¹⁸Anatot am Almon nabaya' ra padang sakot ra liput no.

¹⁹Imam-imam ru papag ri Arun nangapu ra mopor am talu bandar nabaya' ra padang sakot no.

²⁰Sasambaloi ra bokon intor ra bansa' ru Kigat nangapu ra kukula' bandar intor ra wilayah Ipraim.

²¹Nangapu ilo ra apat bandar: bandar Sikgim am padang sakot no giu' ra kabuluran Ipraim (rondo' ra bandar pakisindungan), Gijir,

²²Kibjaim am Bit-Oron nabaya' ra padang sakot no.

²³Nangapu ilo ra apat bandar intor ra wilayah Dan: bandar Iltiki, Gibiton,

²⁴Ayalon am Gat-Rimon nabaya' ra padang sakot no.

²⁵Nangapu ilo ra ruo bandar intor ra wilayah Manasi Kalasaan: bandar Taanak am Gat-Rimon, nabaya' ra padang sakot no.

²⁶Ngaangai' sasambaloi intor ra bansa' ru Kigat nangapu ra mopor bandar ringai', nabaya' ra padang sakot no.

²⁷Rondo' poyo bansa' intor ra bansa' ru Liwi, iono bansa' ru Girson, nangapu ra ruo bandar intor ra wilayah Manasi Kalasaan: bandar Golan giu' ra Basan (rondo' ra bandar pakisindungan) am Biistira nabaya' ra padang sakot no.

²⁸Nangapu ilo ra apat bandar intor ra wilayah Isakar: bandar Kisyon, Dobrat,

²⁹Jarmut am In-Ganim nabaya' ra padang sakot no.

³⁰Nangapu ilo ra apat bandar intor ra wilayah Asyir: bandar Misal, Abdon,

³¹Gilkat am Rigob nabaya' ra padang sakot no.

³²Nangapu ilo ra talu bandar intor ra wilayah Naptali: bandar Kidis giu' ra Galilia nabaya' ra padang sakot no (rondo' ra bandar pakisindungan), Garmot-Dor am Kartan nabaya' ra padang sakot no.

³³Ngaangai' sasambaloi intor ra bansa' ru Girson nangapu ra mopor am talu bandar nabaya' ra padang sakot no.

³⁴Bansa' ra bokon intor ra bansa' ru Liwi, iono bansa' ru Mirari, nangapu ra apat bandar intor ra wilayah Jibulon: bandar Jokniam, Karta,

³⁵Dimna am Nagalal nabaya' ra padang sakot no.

³⁶Nangapu ilo apat ra bandar intor ra wilayah Rubin: bandar Bijir, Jagas,

³⁷Kidimot am Mipaat nabaya' ra padang sakot no.

³⁸Nangapu ilo ra apat bandar intor ra wilayah Gad: bandar Ramot giu' ra Giliad nabaya' ra padang sakot no (rondo' ra bandar pakisindungan), Maganaim,

³⁹Gisybon am Jaijir nabaya' ra padang sakot no.

⁴⁰Kon raginio noyo bansa' ru Mirari nangapu ra suang mopor am ruo bandar.

⁴¹Intor ra tana' ondo' linonggom ru ulun ru Israil, suang apat ngoopor am balu' bandar nabaya' ra padang sakot no pinataakan ra bansa' ru Liwi.

⁴³Ginio noyo nanaak TUHAN ra titikop ra tana' ondo' binantu' Nano ra ibot ra kinamatuaan nilai. Kopongo nampagaau ra tana' no, namagun ilo ra giu' no.

⁴⁴Nanaak TUHAN risilo ra kamiaan giu' ra titikop ru tana' no koson ra binantu' Nano ra kinamatuaan nilai. Kolondo' sangulun pantula' pana makaanggal risilo, sabap nanaak noyo TUHAN ra ulun ru Israil ra kamanangan ra ngaangai' pantula'.

⁴⁵Sinugut ru TUHAN moonong bantu' Nano ra ulun ru Israil.