Read Timugon Murut IBRANI 8 Bible Online

IBRANI 8 - Timugon Murut bible

IBRANI 8

¹Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

²Giu' no mampaugar Io ra kandoi koson ra Tingganai Maayo Imam ra Intok Matulai Kaga', ioginio Kim Sambayangan ra motopot ondo' binaal ru Tuhan am sala' ka ulun.

³Moonong Tingganai Maayo Imam inaru' mampataak ri Aki Kapuuno' ra taak simbalui kapoam taak ra bokon. Koson niayuk ra Tingganai Maayo Imam takau, io pana sotopot no musiti' mokoondo' pataakon.

⁴Amon ru soroi Io giti ra tana' ti, Io kalo pana masauk ra imam, sabap ragiti mokoondo' noyo ra imam ondo' mampataak ra taak ru ulun sumugut ra Ukum ri Musa.

⁵Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

⁶Kaa' raino i Jisus no inanian ra kandoi ru sangulun imam ondo' matulai toojo intor ra kandoi ru imam ra bokon. Sabap ra nabantuan ri Aki Kapuuno' ondo' pinasuku' Nano ra ulun, moonsoi poyo intor ra nakalair i, sabap ra inimpuun No ra bantu' ondo' mangkinibit ra baal-baal ondo' moonsoi poyo.

⁷Amon ru nabantuan kasaa' i naukop noyo, atan pakuan makimabantu' poyo ra kainduo.

⁸Kaa' mansawai i Aki Kapuuno' ra ulun Nano, kon Nano: “Masuku' niayuk orou no ra bantuin Ku ra nakabagu ra bansa' ru Israil am niayuk bansa' ru Jiuda.

⁹Nabantuan nakabagu no sala' ka koson ra bantu' Kuli ra kinamatuaan nilai ondo' ragili inibit Ku mingkual intor ra pagun ru Misir. Kalo giminagaya' ilo ra binantu' Kuli. Ginio nai ra pinoloso Ku ilo ayuk.

¹⁰Kaa' raino gitio noyo bantu' Ku ra ulun ru Israil paat ra orou matong no, kon ru Tuhan: Pakaraan Ku ukum Kuno risilo am patulison Ku poyo ra guang nilono. Masauk Aku ra Tuhan nilo am masauk ilo noyo ra ulun ondo' tagamin Kuno.

¹¹Kalo pana boo mangila' ilo ra bansa' nilo galama' kapoam pabukat nilai no ra ‘Ulig no ra Tuhan ’. Sabap ra ilo ngai', intor ra ulun musikin suku' ra langkaya', makaulig niayuk Raki'.

¹²Ampunon Ku tula nilono am kalo boo karaan Ku sala nilono.”

¹³Paat ra pinabala' No ondo' nakabagu i, binantu' ra nakalair i kolondo' boo onong. Atan ayuk boo ondo' tumuo kapoam maapu', mapuso ra maagu.