Read tiv Genese 5 Bible Online

Genese 5 - tiv bible

Genese 5

¹Ngun ka ruamabera u tsombor u Adam ne: Iyange i Aôndo gba or yô, ka sha mlu u ibeen i Aôndo A gba nan ye;

²lu nomsoor man kwase A gba ve ye, A ver ve doo doo, A ii ve iti er Or, sha iyange i i gba ve la je.

³Adam lu anyom deri môm man ikundugber man a mar wan sha ibeen na man sha mluyol na ye; a ii un iti er Setu.

⁴Ayange a Adam tsa sha won er a mar Setu kera la, lu anyom deri anigheni; a shi a mar ônov mba nomso man mba kasev.

⁵Ayange a Adam sha won cii yô, lu anyom deri utaankarunyiin man ikundugber, man a kpe ye.

⁶Setu lu anyom deri môm kar ataan man a mar Enoshi ye.

⁷Mar Enoshi kera yô, Setu shi seer tsan anyom deri anigheni kar ataankarahar; a shi a mar ônov mba nomso man mba kasev.

⁸Ayange a Setu sha won cii yô, lu anyom deri utaankarunyiin man pue kar ahar, man a kpe ye.

⁹Enoshi lu anyom akunduanyiingber man a mar Kenan ye.

¹⁰Mar Kenan kera yô, Enoshi shi tsa anyom deri anigheni man pue kar ataan; a shi a mar ônov mba nomso man mba kasev.

¹¹Ayange a Enoshi sha won cii yô, lu anyom deri utaankarunyiin man ataan, man a kpe ye.

¹²Kenan lu anyom akunduatargber man a mar Mahalalel ye.

¹³Mar Mahalalel kera yô, Kenan shi tsa anyom deri anigheni man akunduahar; a shi a mar ônov mba nomso man mba kasev.

¹⁴Ayange a Kenan sha won cii yô, lu anyom deri utaankarunyiin man pue, man a kpe ye.

¹⁵Mahalalel lu anyom akunduatar kar ataan man a mar Yaredi ye.

¹⁶Mar Yaredi kera yô, Mahalalel tsa anyom deri anigheni man ikundugber; a shi a mar ônov mba nomso man mba kasev.

¹⁷Ayange a Mahalalel sha won cii yô, lu anyom deri anigheni man akunduanyiingber kar ataan, man a kpe ye.

¹⁸Yaredi lu anyom deri môm man akunduatar kar ahar man a mar Enoki ye.

¹⁹Mar Enoki kera yô, Yaredi shi tsa anyom deri anigheni; a shi a mar ônov mba nomso man mba kasev.

²⁰Ayange a Yaredi sha won cii yô, lu anyom deri utaankarunyiin man akunduatar kar ahar, man a kpe ye.

²¹Enoki lu anyom akunduatar kar ataan man a mar Metusela ye.

²²Mar Metusela kera yô, Enoki gba zenden vea Aôndo imôngo anyom deri utar; a shi a mar ônov mba nomso man mba kasev.

²³Ayange a Enoki sha won cii yô, lu anyom deri utar man akunduatar kar ataan.

²⁴Enoki gba zenden vea Aôndo, kpa va kera lu ga, gadia Aôndo yem a na.

²⁵Metusela lu anyom deri man akunduanyiin kar ataankarahar man a mar Lameki ye.

²⁶Mar Lameki kera yô, Metusela shi tsa anyom deri utaankaruhar man akunduanyiin kar ahar; a shi a mar ônov mba nomso man mba kasev.

²⁷Ayange a Metusela sha won cii yô, lu anyom deri utaankarunyiin man akunduatar kar ataankaranyiin, man a kpe ye.

²⁸Lameki lu anyom deri môm man akunduanyiin kar ahar man a mar wannomso ye;

²⁹a ii un iti er Noa, a kaa er: Ka ngun je una sur se asema sha tom wase kua ican i yan i sha ave ase sha tar u TER A we u ifan ne ye.

³⁰Mar Noa kera yô, Lameki tsa anyom deri utaan man akunduanyiingber kar ataan; a shi a mar ônov mba nomso man mba kasev.

³¹Ayange a Lameki sha won cii yô, lu anyom deri utaankaruhar man akunduatargber kar ataankarahar, man a kpe ye.

³²Noa yô, lu anyom deri utaan; Noa gema mar Shem man Ham kua Yafeti.