Read tiv 1 Kroniku 24 Bible Online

1 Kroniku 24 - tiv bible

1 Kroniku 24

¹Ônov mba Aron kpaa i pav ve sha iniongo iniongo. Ônov mba Aron yô, lu: Nadabi man Abihu man Eleasar kua Itamar.

²Kpa Nadabi man Abihu yô, ve kpe sha ishigh ki ter ve, ve ver tse ga; nahan Eleasar man Itamar er tom u pristi.

³Davidi kua Sadoki u ken ônov mba Eleasar, man Ahimeleki u ken ônov mba Itamar, ve kar ve ityom cii sha mver u i ver ityom ve yô.

⁴Er mbahemenev mba ken ônov mba Eleasar ve hemba ngeen a mbahemenev mba ken ônov mba Itamar yô, i pav ve nahan: ken ônov mba Eleasar yô, mbahemenev mba sha uya mba uter lu pue kar ataratar; ken ônov mba Itamar mbahemenev lu anigheni.

⁵Kape i kar ve sha ishor i eren la, ngun man ngula; gadia mbavesen sha tom u icighanjiir man mbavesen sha tom u Aôndo lu ken ônov mba Eleasar kua ken ônov mba Itamar kpaa.

⁶Shemaia wan u Netanel, orngeren, lu Orlevi, a nger ve sha ishigh ki tor man ki mbatarev man pristi Sadoki man Ahimeleki wan u Abiatar, kua mbavesen mba sha uya mba uter mba upristi man mba Mbalevi; ya u ter môm sha ci u Eleasar man u môm sha ci u Itamar kpaa.

⁷Kwar u hiihii gba sha Yehoyaribi, u sha uhar gba sha Yedaia,

⁸u sha utar gba sha Harim, u sha unyiin gba sha Seorim,

⁹u sha utaan gba sha Malkiya, u sha ataratar gba sha Miyamin,

¹⁰u sha utaankaruhar gba sha Hakoshi, u sha anigheni gba sha Abiya,

¹¹u sha utaankarunyiin gba sha Yeshua, u sha pue gba sha Shekania,

¹²u sha pue kar môm gba sha Eliashibi, u sha pue kar uhar gba sha Yakim,

¹³u sha pue kar utar gba sha Hupa, u sha pue kar unyiin gba sha Yeshebeabi,

¹⁴u sha pue kar utaan gba sha Bilga, u sha pue kar ataratar gba sha Imer,

¹⁵u sha pue kar utaankaruhar gba sha Heshir, u sha pue kar anigheni gba sha Hapise,

¹⁶u sha pue kar utaankarunyiin gba sha Petahia, u sha ikundu gba sha Yehesekel,

¹⁷u sha ikundu kar môm gba sha Yakin, u sha ikundu kar uhar gba sha Gamul,

¹⁸u sha ikundu kar utar gba sha Delaia, u sha ikundu kar unyiin gba sha Maashia.

¹⁹Kape i ver ve sha adondo adondo ken tom ve u nyôron ken iyou i TER, sha mver ve la, er TER, Aôndo u Iserael, kaa un nahan.

²⁰Ônov mba Levi mba ve shi yô: ken ônov mba Amram lu Shubael; ken ônov mba Shubael, lu Yedeia.

²¹Rehabia yô: ken ônov mba Rehabia, ka Ishia, orhemen.

²²Ken Mbaisehar yô, ka Shelomoti; ken ônov mba Shelomoti, ka Yahati.

²³Ônov mba Heberon yô, ka: Yeria u vesen, Amaria dondo, Yahashiel gbire, Yekameam mase.

²⁴Ônov mba Ushiel yô, ka Mika; ken ônov mba Mika, ka Shamir.

²⁵Anngô u Mika, ka Ishia; ken ônov mba Ishia, ka Sekaria.

²⁶Ônov mba Merari yô, ka Maheli man Mushi, ônov mba wan na Yaashia.

²⁷Ônov mba Merari mba ken wan na Yaashia, ka: Shoham man Sakur man Iberi.

²⁸Ken Maheli yô, lu Eleasar, u a lu a ônov mba nomso ga la.

²⁹Ken Kishi yô, lu ônov mba Kishi: Yerameel.

³⁰Ônov mba Mushi yô, lu: Maheli man Eder man Yerimoti. Mban ka ônov mba Levi sha uya mba uter vev.

³¹Mban kpaa ve er ishor er anmgbianev vev, ônov mba Aron nahan, sha ishigh ki tor Davidi kua ki Sadoki man Ahimeleki man ki mbahemenev mba sha uya mba uter mba upristi man mba Mbalevi; orhemen u sha hanma ya u uter kua anngô u nan u kiriki kpaa.