Read tiv 1 Kroniku 25 Bible Online

1 Kroniku 25 - tiv bible

1 Kroniku 25

¹Tsô Davidi man mbahemenev mba akumautya ve tsegha ônov mba Asav mbagenev man ônov mba Heman kua mba Yedutun kpaa, sha ci u tom la, sha u ve̱ pasen kwagh sha imo a umolo man a mbaadiguve kua a ukwen. Iyenge i mba ve lu eren tom la sha inja i tom ve yô:

²Ken ônov mba Asav yô, lu Sakur man Yosev man Netania man Asharela, ka ônov mba Asav mba ve lu sha ikev i Asav, u a ôron kwaghôron u profeti sha imo i tor je la.

³Ken Yedutun yô, lu ônov mba Yedutun, ka: Gedalia man Seri man Yeshaia man Shimei man Hashabia man Matitia, ka ior ataratar je la, sha ikev i ter ve Yedutun u a lu pasen kwagh sha imo i molo sha u sughun TER, wuese un.

⁴Ken Heman yô, lu ônov mba Heman, ka: Bukia, Matania, Ushiel, Shebuel man Yerimoti, Hanania, Hanani Eliata, Gidalti man Romamti-eser, Yoshebekasha, Maloti, Hotir, Mahashioti;

⁵mban cii, lu ônov mba Heman, ornengenakaa u tor, sha u pasen kwaghôron u Aôndo sha u kenden a korough sha. Aôndo na Heman ônov mba nomso pue kar unyiin man mba kasev utar.

⁶Mban cii ve lu sha ikev i ter ve, sha ci u wan atsam ken iyou i TER a ukwen man mbaadiguve man umolo sha ci u tom u ken iyou i Aôndo sha imo i tor; ka Asav man Yedutun kua Heman.

⁷Kohol iyenge ve cii a anmgbianev vev imôngo, mba i tese ve atsam a wan wuese TER, ka mba ve fa dedoo je la, ve lu deri uhar man akunduanyiin kar anigheni.

⁸Ve er ishor sha u vea fa tom u vea er yô, ve cii, orvesen man wanye, ortesen kua orhenen kpaa.

⁹Ishor i hiihii i sha ci u Asav yô, gba sha Yosev; i sha uhar lu sha Gedalia, un a anmgbianev nav man ônov nav lu ior pue kar uhar;

¹⁰i sha utar gba sha Sakur, ônov nav mba anmgbianev nav, ior pue kar uhar;

¹¹i sha unyiin gba sha Iseri, ônov nav man anmgbianev nav, ior pue kar uhar;

¹²I sha utaan gba sha Netania, ônov nav man anmgbianev nav, ior pue kar uhar;

¹³i sha ataratar gba sha Bukia, ônov nav man anmgbianev nav, ior pue kar uhar;

¹⁴i sha utaankaruhar gba sha Yesharela, ônov nav man anmgbianev nav, ior pue kar uhar;

¹⁵i sha anigheni gba sha Yeshaia, ônov nav man anmgbianev nav, ior pue kar uhar;

¹⁶i sha utaankarunyiin gba sha Matania, ônov nav man anmgbianev nav, ior pue kar uhar;

¹⁷i sha pue gba sha Shimei, ônov nav man anmgbianev nav, ior pue kar uhar;

¹⁸i sha pue kar môm gba sha Asarel, ônov nav man anmgbianev nav, ior pue kar uhar;

¹⁹i sha pue kar uhar gba sha Hashabia, ônov nav man anmgbianev nav, ior pue kar uhar;

²⁰i sha pue kar utar gba sha Shubael, ônov nav man anmgbianev nav; ior pue kar uhar;

²¹i sha pue kar unyiin gba sha Matitia, ônov nav man anmgbianev nav, ior pue kar uhar;

²²i sha pue kar utaan gba sha Yeremoti, ônov nav man anmgbianev nav, ior pue kar uhar;

²³i sha pue kar ataratar gba sha Hanania, ônov nav man anmgbianev nav, ior pue kar uhar;

²⁴i sha pue kar utaankaruhar gba sha Yoshebekasha, ônov nav man anmgbianev nav, ior pue kar uhar;

²⁵i sha pue kar anigheni gba sha Hanani, ônov nav man anmgbianev nav, ior pue kar uhar;

²⁶i sha pue kar utaankarunyiin gba sha Maloti, ônov nav man anmgbianev nav, ior pue kar uhar;

²⁷i sha ikundu gba sha Eliati, ônov nav man anmgbianev nav, ior pue kar uhar;

²⁸i sha ikundu kar môm gba sha Hotir, ônov nav man anmgbianev nav, ior pue kar uhar;

²⁹i sha ikundu kar uhar gba sha Gidalti, ônov nav man anmgbianev nav, ior pue kar uhar;

³⁰i sha ikundu kar uhar gba sha Mahashioti, ônov nav man anmgbianev nav, ior pue kar uhar;

³¹i sha ikundu kar unyiin gba sha Romamti-eser, ônov nav man anmgbianev nav, ior pue kar uhar.