Read tiv 1 Kroniku 3 Bible Online

1 Kroniku 3 - tiv bible

1 Kroniku 3

¹Ônov mba Davidi mba a mar ve ken Heberon yô, lu: Amnon waniunda, a mar un a Ahinoam, wan u Mbayesereel; u sha uhar yô, lu Daniel, a mar un a Abigail, wan u Mbakarmel;

²u sha utar yô, lu Abesalom wan u Maaka, wan u Talmai, tor u Geshur; u sha unyiin yô, lu Adoniya wan u Hagiti;

³u sha utaan yô, lu Shefatia, a mar un a Abital; u sha ataratar yô, lu Iteream, a mar un a kwase na Egela.

⁴A mar ve ataratar hen Heberon; a tema tor heregh anyom ataankarahar man iwer ataratar; ken Yerusalem yô, a tema tor anyom ikundugber kar atar.

⁵Ken Yerusalem yô, a mar Shimea man Sholabi man Natan man Solomon, ve unyiin a Beteshua, wan u Amiel;

⁶man Ibehar man Elishama man Elifeleti

⁷man Noga man Nefegi man Yafia

⁸man Elishama man Eliada man Elifeleti, ka utaankarunyiin je la.

⁹Mban cii ka ônov mba nomso mba Davidi, i ôr ônov mba nomso mba kasev mba sha uika ga; man Tamar lu anngô ve u kwase.

¹⁰Wan u Solomon yô, lu Rehobiam, wan na lu Abiya, wan na lu Asa, wan na lu Yehoshafati,

¹¹wan na lu Yoram, wan na lu Ahashia, wan na lu Yoashi,

¹²wan na lu Amashia, wan na lu Asaria, wan na lu Yotam,

¹³wan na lu Ahashi, wan na lu Hesekia, wan na lu Manase,

¹⁴wan na lu Amon, wan na lu Yoshia.

¹⁵Ônov mba Yoshia yô, wan u iunda lu Yohanan, u sha uhar lu Yehoyakim, u sha utar lu Sedekia, u sha unyiin lu Shalum.

¹⁶Ônov mba Yehoyakim yô, lu Yekonia wan na, Sedekia wan na.

¹⁷Ônov mba Yekonia u a lu uikangen la yô, lu: Shealtiel wan na,

¹⁸man Malkiram man Pedaia man Shenasar man Yekamia man Hoshama kua Nedabia.

¹⁹Ônov mba Pedaia yô, lu: Serubabel man Shimei; man ônov mba Serubabel yô, lu: Meshulam man Hanania; man Shelomiti lu anngô ve u kwase;

²⁰man Hashuba man Ohel man Berekia man Hasadia man Yushabi-hesedi, ve lu utaan.

²¹Ônov mba Hanania yô, lu Pelatia kua Yeshaia; ônov mba Refaia, ônov mba Arnan, ônov mba Obadia, ônov mba Shekania.

²²Ônov mba Shekania yô, lu Shemaia; ônov mba Shemaia yô, lu: Hatushi man Igal man Baria man Nearia man Shafati, ve lu ataratar.

²³Ônov mba Nearia yô, lu: Elioenai man Hisekia man Aserikam, ve lu utar.

²⁴Ônov mba Elioenai yô, lu: Hodavia man Eliashibi man Pelaia man Akubi man Yohanan man Delaia man Anani, ve lu utaankaruhar.