Read tiv 1 Kroniku 6 Bible Online

1 Kroniku 6 - tiv bible

1 Kroniku 6

¹Ônov mba Levi yô, lu: Gershon, Kohati man Merari.

²Ônov mba Kohati yô, lu: Amram man Isehar man Heberon kua Ushiel.

³Ônov mba Amram yô, lu: Aron man Mose man Miriam. Ônov mba Aron yô, lu: Nadabi man Abihu man Eleasar man Itamar.

⁴Eleasar mar Pinehashi, Pinehashi mar Abishua,

⁵Abishua mar Buki man Buki mar Ushi,

⁶Ushi mar Serahia man Serahia mar Merayoti,

⁷Merayoti mar Amaria man Amaria mar Ahitubi,

⁸Ahitubi mar Sadoki man Sadoki mar Ahimaashi,

⁹Ahimaashi mar Asaria man Asaria mar Yohanan,

¹⁰Yohanan mar Asaria (ka wen lu eren tom u pristi ken iyou i Solomon maa ken Yerusalem la),

¹¹Asaria mar Amaria man Amaria mar Ahitubi,

¹²Ahitubi mar Sadoki man Sadoki mar Shalum,

¹³Shalum mar Hilkia man Hilkia mar Asaria,

¹⁴Asaria mar Seraia man Seraia mar Yehosadaki;

¹⁵Yehosadaki yem a Yuda kua Yerusalem imôngo zum u TER yem a ve uikangen sha ikev i Nebukadinesar la.

¹⁶Ônov mba Levi yô, lu: Gershon man Kohati man Merari.

¹⁷Ati a ônov mba Gershon er: Libeni man Shimei.

¹⁸Ônov mba Kohati yô, lu: Amram man Isehar man Heberon kua Ushiel.

¹⁹Ônov mba Merari yô, lu: Maheli man Mushi. Icombor i Mbalevi sha uya mba uter vev yô, ka:

²⁰U Gershon yô, ka: wan na Libeni, wan na Yahati, wan na Shima,

²¹wan na Yoa, wan na Ido, wan na Sera, wan na Yeaterai.

²²Ônov mba Kohati yô, ka: wan na Aminadabi, wan na Kora, wan na Ashir,

²³wan na Elkana, wan na Ebiasav, wan na Ashir,

²⁴wan na Tahati, wan na Uriel, wan na Ushia, wan na Shaul.

²⁵Ônov mba Elkana yô, ka: Amasai man Ahimoti.

²⁶Sha kwagh u Elkana yô, ônov mba Elkana ka: wan na Sofaia, wan na Nahati,

²⁷wan na Eliabi, wan na Yeroham, wan na Elkana.

²⁸Ônov mba Samuel yô, waniunda ka Yoel, idyondon ka Abiya.

²⁹Ônov mba Merari yô, ka: Maheli, wan na Libeni, wan na Shimei, wa na Usa,

³⁰wan na Shimea, wan na Hagia, wan na Asaia.

³¹Ka mba Davidi ver ve, ve waan atsam ken iyou i TER zum u areki zua a mmem la,

³²Ve lu mbawanatsam sha ishigh ki tabernakel u tenti u kohol ker zan zan ar sha shighe u Solomon maa iyou i TER ken Yerusalem la; ve ver ishima sha tom ve sha dondo sha dondo.

³³Mban ka mba ve lu eren tom la a ônov vev ne: Ken ônov mba Mbakohati yô, lu Heman orwancam, wan u Yoel, wan u Samuel,

³⁴wan u Elkana, wan u Yeroham, wan u Eliel, wan u Toa,

³⁵wan u Sufi, wan u Elkana, wan u Mahati, wan u Amasai,

³⁶wan u Elkana, wan u Yoel, wan u Asaria, wan u Sefania,

³⁷wan u Tahati, wan u Ashir, wan u Ebiasav, wan u Kora,

³⁸wan u Isehar, wan u Kohati, wan u Levi, wan u Iserael.

³⁹Anngô na yô, lu Asav, u a tilen un ken uwegh ku yanegh; ka Asav wan u Berekia, wan u Shimea,

⁴⁰wan u Mikael, wan u Baaseia, wan u Malkiya,

⁴¹wan u Eteni, wan u Sera, wan u Adaia,

⁴²wan u Etan, wan u Shima, wan u Shimei,

⁴³wan u Yahati, wan u Gershon, wan u Levi.

⁴⁴Ken uwegh ku imesegh yô, lu anmgbianev vev, ônov mba Merari; ka Etan wan u Kishi, wan u Abedi wan u Maluki,

⁴⁵wan u Hashabia, wan u Amashia, wan u Hilkia,

⁴⁶wan u Amshi, wan u Bani, wan u Shemer,

⁴⁷wan u Maheli, wan u Mushi, wan u Merari, wan u Levi.

⁴⁸I ver anmgbianev vev Mbalevi sha ci u tom u tabernakel u iyou i Aôndo cii.

⁴⁹Kpa Aron man ônov nav yô, ve naan nagh sha atse a nanden nagh sha mi la kua sha atse a kwaghhumandoon sha ci u tom u ken icighanjiir u hemban cii la, man sha u nan iwom sha ci u Iserael, sha kwagh u Mose wanakiriki u Aôndo kaa la cii.

⁵⁰Ônov mba Aron yô, ka: wan na Eleasar, wan na Pinehashi, wan na Abishua;

⁵¹wan na Buki, wan na Ushi, wan na Serahia,

⁵²wan na Merayoti, wan na Amaria, wan na Ahitubi,

⁵³wan na Sadoki, wan na Ahimaashi.

⁵⁴Ajiir a ve a teman sha mhaa u afo a ve ken tar ve yô, ka a ne: Ônov mba Aron mba ken tsombor u Mbakohati (gadia kwar u hiihii lu u ve),

⁵⁵i na ve Heberon ken tar u Yuda kua akôngo a a kase un la;

⁵⁶kpa ishule i hen gar man angarev nav yô, i na Kalebu wan u Yefune.

⁵⁷Ônov mba Aron yô, i na ve agar a waren ker, ka Heberon, man Libena kua akôngo a na, man Yatir, man Eshetemoa kua akôngo a na,

⁵⁸man Hilen kua akôngo a na, man Debir kua akôngo a na,

⁵⁹man Ashan kua akôngo a na, man Bete-shemeshi kua akôngo a na.

⁶⁰Ken kwe u Benyamin yô, ka Geba kua akôngo a na, man Alemeti kua akôngo a na, man Anatoti kua akôngo a na. Agar a ve cii a ken icombor ve, lu agar pue kar atar.

⁶¹Ônov mba Kohati mba ve shi yô, i na ve agar pue sha ishor i eren ken tsombor u kwe, ka vegherkwe, ka vegher u Manase je la.

⁶²Ônov mba Gershon yô, sha icombor ve, i na ve agar pue kar atar ken kwe u Isakar man ken kwe u Asher, man ken kwe u Nafetali, man ken kwe u Manase ken Bashan.

⁶³Ônov mba Merari yô, i na ve agar pue kar ahar sha ishor i eren sha icombor ve, ken kwe u Ruben man ken kwe u Gadi man ken kwe u Sebulon.

⁶⁴Ônov mba Iserael na Mbalevi agar kua akôngo a a.

⁶⁵Ka sha ishor i eren, ve na agar a i ter ati a a ye, ken kwe u ônov mba Yuda man ken kwe u ônov mba Shimeon man ken u ônov mba Benyamin.

⁶⁶Mbagenev ken icombor i ônov mba Kohati zua a agar a ve a teman ker ken kwe u Eferaim.

⁶⁷I na ve agar a waren ker, ka Shekem sha tar u iwoogh u Eferaim kua akôngo a na, Geser kpaa kua akôngo a na,

⁶⁸man Yokemeam kua akôngo a na, man Bete-horon kua akôngo a na,

⁶⁹man Aiyalon kua akôngo a na, man Gati-rimon kua akôngo a na;

⁷⁰ken vegherkwe u Manase yô, ka Aner kua akôngo a na, man Bileam kua akôngo a na, sha ci u tsombor u ônov mba Kohati mba ve shi la.

⁷¹Ônov mba Gershon yô, i na ve agar ken tsombor u vegherkwe u Manase, ka Golan ken Bashan a akôngo a na;

⁷²man ken kwe u Isakar yô, ka Kedeshi a akôngo a na, man Daberati a akôngo a na,

⁷³man Ramoti a akôngo a na, man Anem a akôngo a na;

⁷⁴ken kwe u Asher yô, ka Mashal a akôngo a na man Abedon a akôngo a na,

⁷⁵man Hukoki a akôngo a na, man Rehobi a akôngo a na;

⁷⁶ken kwe u Nafetali yô, ka Kedeshi ken Galilia a akôngo a na, man Hamon a akôngo a na, man Kiriataim a akôngo a na.

⁷⁷Mbalevi mba ve shi ken ônov mba Merari la, i na ve agar ken kwe u Sebulon, ka: Rimon a akôngo a na, man Tabor a akôngo a na;

⁷⁸man yande Yordan hen Yeriko, Yordan vegher u sha ityoughkitaregh la, ken kwe u Ruben yô, i na ve Beser ken ikôngo a akôngo a na man Yasa a akôngo a na,

⁷⁹man Kedemoti a akôngo a na, man Mefaati a akôngo a na;

⁸⁰man ken kwe u Gadi yô, ka: Ramoti ken Gileadi a akôngo a na, man Mahanaim a akôngo a na,

⁸¹man Heshebon a akôngo a na, man Yaser a akôngo a na.