Read tiv Nehemia 3 Bible Online

Nehemia 3 - tiv bible

Nehemia 3

¹Tsô zegepristi Eliashibi mough a anmgbianev nav upristi imôngo, ve maa Hundagar u Iyôngo, ve wanger u, ve zer ucivir mba u, ve wanger u zan zan ve ar hen gôgôyou u taven u Hamea, man zan zan ar hen gôgôyou u taven u Hananel.

²Tiôn u dondon a na la, ior mba Yeriko lu maan. Tiôn u dondon a mban yô, Sakur wan u Imri lu maan.

³Hundagar u Ishu yô, lu ônov mba Hasenaa maa ye; ve wa ikpande i u, ve zer ucivir mba u man uishindan kua uiwever mba u.

⁴U dondon a ve yô, Meremoti wan u Uria, wan u Hakoshi lu sôron. U dondon a ve yô, Meshulam wan u Berekia, wan u Meshesabel lu sôron. U dondon a ve yô, Sadoki wan u Baana lu sôron.

⁵U dondon a ve yô, Mbatekoa lu sôron; kpa ashagbaior a ve nyôr mon sha tom u Ter ve ne ga.

⁶Hundagar u Tse yô, lu Yoyada wan u Pasea man Meshulam wan u Besodeia ve sôr ye; ve wa ikpande i u, ve zer ucivir mba u man uishindan kua uiwever mba u.

⁷U dondon a ve yô, Melatia Orgibeon man Yadon Ormeronoti, ka ior i Gibeon man i Misepa mba ve lu sha ikev i gomna u yande Ifi la, ve lu sôron.

⁸U dondon a ve yô, Ushiel wan u Harhaia, mbavarenzenaria, lu sôron. U dondon a na yô, Hanania u môm ken mbanungwancigh lu sôron. Ve kera bende Yerusalem ave ga zan zan ar hen gilgar u gbanger la.

⁹U dondon a ve yô, Refaia wan u Hur, ortaregh u vegher u tar u u kase Yerusalem la lu sôron.

¹⁰U dondon a ve yô, Yedaia wan u Harumav lu sôron, sha ishigh ki iyou na je. U dondon a na yô, Hatushi wan u Hashabeneia lu sôron.

¹¹Malkiya wan u Harim man Hashubi wan u Pahati-moabi, ve sôr tiôn ugen kua gôgôyou u taven u Atse a kaan akaa ker.

¹²U dondon a na yô, Shalum wan u Haloheshi, ortaregh u vegher u tar u u kase Yerusalem la lu sôron un a ônov nav mba kasev.

¹³Hundagar u Pev yô, Hanun man ior mba ken Sanoa, ve sôr u; ve maa u, ve zer u ucivir man uishindan kua uiwever, shi ve maa gil aseva dubu zan zan ar hen Hundagar u Ihôgh la.

¹⁴Hundagar u Ihôgh yô, Malkiya wan u Rekabi, ortaregh u tar u u kase Bete-hakerem la sôr u; a maa u, a zer u ucivir man uishindan kua uiwever.

¹⁵Hundagar u Imbor yô, Shalum wan u Kolhose, ortaregh u tar u u kase Misepa la, sôr u; a maa u, a cir u, shi a zer u ucivir man uishindan man uiwever; shi a maa gil u Ityungu u Shela hen sule u tor la, zan zan ar hen agbur a duen hen gar u Davidi senen la.

¹⁶U dondon a na yô, Nehemia wan u Asebuki, ortaregh u veghertar u u kase Bete-sur la lu sôron zan zan ar hen ijiir i i ver ishigh hen iwar i Davidi la, kar za ar hen ityungu i i er i la, man hen ya u anomaior a ageegh.

¹⁷U dondon a na yô, Mbalevi, Rehum wan u Bani ve lu sôron. U dondon a na yô, Hashabia, ortaregh u veghertar u u kase Keila la lu sôron sha ci u veghertar na.

¹⁸U dondon a na yô, anmgbianev vev, Bavai wan u Henadadi, ortaregh u veghertar ugen u u kase Keila la lu sôron.

¹⁹U dondon a na yô, Eser wan u Yeshua, ortaregh u Misepa, lu sôron tiôn ugen u sha ishigh ki ijiir i kôndon zan sha iyou i ikav mbi tswamev, hen iniuugh ki gil la.

²⁰U dondon a na yô, Baruki wan u Sabai lu sôron tiôn ugen sha ishima i môm je, hii hen iniuugh ki gil zan zan ar hen hunda u iyou i zegepristi Eliashibi la.

²¹U dondon a na yô, Meremoti wan u Uria, wan u Hakoshi, lu sôron tiôn ugen, hii hen hunda u iyou i Eliashibi zan zan ar hen ikighir i iyou i Eliashibi la.

²²U dondon a na yô, upristi, ior mba hen tar u delaa la ve lu sôron.

²³U dondon a ve yô, Benyamin man Hashubi, ve lu sôron sha ishigh ki ya ve. U dondon a ve yô, Asaria wan u Maaseia, wan u Anania lu sôron hen kpe u iyou na.

²⁴U dondon a na yô, Binui wan u Henadadi lu sôron tiôn ugen, hii hen iyou i Asaria zan zan za ar iniuugh ki gil man zan zan hen zongo je.

²⁵Palal wan u Usai lu sôron sha ishigh ki iniuugh ki gil man gôgôyou u taven sha, u sha iyou i tor, hen tembe u mbakuran la. U dondon a na yô, Pedaia wan u Paroshi lu sôron,

²⁶mbasôrontempel tema ken Ofel zan zan ar hen ishigh ki Hundagar u Mnger vegher u sha ityoughkitaregh, man hen gôgôyou u taven sha la.

²⁷U dondon a na yô, Mbatekoa, ve lu sôron tiôn ugen sha ishigh ki gôgôyou u a tav sha la, zan zan ar hen gil u Ofel.

²⁸Poso Hundagar u Anyinya ken hemen nahan, upristi lu sôron, hanmô ve sha ishigh ki ya u nan.

²⁹U dondon a ve yô, Sadoki wan u Imer lu sôron sha ishigh ki iyou na. U dondon a na yô, Shemaia wan u Shekania lu sôron, un lu orkuranhunda u sha vegher u sha ityoughkitaregh la.

³⁰U dondon a na yô, Hanania wan u Shelemia man Hanun wan u Salav u sha ataratar la, ve lu sôron tiôn ugen. U dondon a na yô, Meshulam wan u Berekia lu sôron sha ishigh ki iyou na.

³¹U dondon a na yô, Malkiya, u môm ken mbavarenzenaria, lu sôron zan zan ar hen iyou i mbasôrontempel man i mbakasuav, sha ishigh ki Hundagar u Mkor man shi hen kpoyoughough u sha zongo la.

³²Hen atô u kpoyoughough u sha zongo man Hundagar u Uile la yô, lu mbavarenzenaria man mbakasuav ve lu sôron ye.