Read tiv Yobu 6 Bible Online

Yobu 6 - tiv bible

Yobu 6

¹Tsô Yobu gema kaa er:

²Ma i kar ishimavihin yam, man ican i i tserem la kpaa, ma i ver ve sha ikyekye i karen kwagh a min!

³Ma i yoho ma i hembe waarawa u zegemnger; ka nahan man m er kwagh sha lan ye.

⁴Gadia avaan a Uhembanagee cii ngam ken iyol, megh ku a kpaa, jijingi wam, ngu man ku; mcieryol u Aôndo sendegh tange ityav a mo.

⁵Jakitoho ka i vaa zum u i lu a toho? Shin bua yô, vaan er kwaghyan a lu un sha ishi la kpa?

⁶Kwagh u a nyoho ga, á ya un á wa bar ga kpa? Shin ndera u ijikegh nahan, á bende un ken zwa á kav er a lu kpa?

⁷Ishima yam venda u benden a ve; mbam er kwaghyan u ndôhôr ishima nahan.

⁸Ma i shi er sha msen wam; Aôndo ma A shi erem kwagh u a sarem yô:

⁹Aôndo ma A rumun ma A herem, ma A naregh uwegh ma A woom kera.

¹⁰Nahan ma i pever mo iyol; een, ma m ember ken atô u mnyoonom ma ma lu a mhôônom ga la, gadia m nyiman kwaghôron u Icighan la ga.

¹¹Agee am nga han, u me keghe? Mkur wam ngu nan je, u me wa ishima?

¹²Agee am, ka agee a iwene? Shin inyam yam ka iyôgh ase?

¹³Ma iwasen kera ngi her a mo je ga, iwaren kpaa, i mgbegha i her a mo kera cii gaa?

¹⁴Or u nan eren a ikar u nan dedoo ga yô, nan de u cian Uhembanagee je ve.

¹⁵Anmgbianev av ka mba suur sha a ve ga er uwagh nahan, er ukungômbaiwaghev mba ve kough kera nahan,

¹⁶mba ve il dimii sha ci u mngerem ma ma kôrough sha wuhe, henpe senou a yeren shimi la;

¹⁷kpa zum u oo ta yô, ve ndiir kera, á va tsee yô, ve uma shin ajiir a ve kera.

¹⁸Igbenda i ve senen min la i hure, i nyôr ken taaikôngo, i saa kera.

¹⁹Mbakasuav mba ken Tema ve yenge ve, mbazendev mba Sekeba ver ashe sha a ve,

²⁰kunya kôr ve sha ishimaverenkeghen ve la; ve va heregh, kunda ve iyol.

²¹Kape ne kpaa ne hingir mo gbilinkwagh ne; ne nenge a kwagh u tan mciem iyol, nahan ne cia.

²²Mo m kaa mer: Nam nen kwagha? Shin: Pande nen inyaregh yenegh, nam nen iwua i doon ityougho?

²³Shin: Yimam nen sha ikev i orihom ase? Shin: Paam nen sha ikev i mba ve kighir mo laa?

²⁴Tesem nen, tsô mo me huan; pasem nen hen ape m tsum yô.

²⁵Kwaghôron u mimi ngu a agee tsô! Kpa ibo yen i nan yô, ngi a inja hana?

²⁶Ka ne ka nan asemberakaa ne ibo? Gadia kwaghôron u or u i kondo nan iyol ngu er ahumbe nahan tsô!

²⁷Een, nea er ishor sha ancôghol, shi nea gema ikar wen una hingir kwagh u yamen kasua a mi.

²⁸Hegen yô, kenger nen mo, gadia me er aie sha ishigh yenegh je ga.

²⁹Shi gema nen ase, ma kwagh u mimi ga, a̱ de lu ga; een, gema nen, kwagh wam ka u perapera her.

³⁰Nahan zwa wam ngu a mimi gaa? Me bende akaavihin yô, me kav gaa?