Read tiv Upasalmi 110 Bible Online

Upasalmi 110 - tiv bible

Upasalmi 110

¹TER kaa a Terem er: Temam ken uwegh ku yanegh, zan zan Me gema mbaihomov Ou vea hingir We kwagh u pendan angahar sha mi.

²TER Una naregh tôgh ku ageegh Ough ken Shion, Una kaa er: Tema tor hen atô u mbaihomov Ou!

³Ior Ou vea na nagh sha ayol a ve sha asema a dedoo je sha iyange i ikumutya You, a uicighanmbaakondov iyol, sha mve u use; er avure a lu nahan kape ikaior You ia va la.

⁴TER bum Una kera vaa afanyô ga: We U ngu pristi u tsôron gbem sha won sha inja i mlu u tom u Melkisedeki la.

⁵Ter u A lu U ken uwegh ku yanegh, Una her utor njighe njighe sha iyange i iyugh Na.

⁶Una ôr ijir her atô u akuraior, Una iv a a akomaior, Una her uityombaiorov sha tar wuee.

⁷Una ma mngerem shin uwagh u hen gbenda, ka nahan man Una kende ityough sha ye.