Read tiv Upasalmi 114 Bible Online

Upasalmi 114 - tiv bible

Upasalmi 114

¹Zum u Iserael due ken tar u Igipiti, ya u Yakob due ken ior mba zwa ve lu kposo la yô,

²Yuda hingir icighanjiir Na, Iserael gema hingir tartor Na.

³Zegemnger nenge nahan, yevese, Yordan hide ijime.

⁴Iwo gba tsuwen er anomaiyôngo, man agungu kpaa er agumaiyôngo nahan.

⁵Ka nyi i er u, zegemnger, ve u yevese, man Yordan kpaa, u hidi ijime nahana,

⁶ne iwo ne tsugh er anomaiyôngo, man ne agungu kpaa er agumaiyôngo nahana?

⁷We tar, ikarikase i̱ gbidye u iyol, sha ishigh ki TER, sha ishigh ki Aôndo u Yakob,

⁸u A gem vande u hingir bermnger yô, iwen i taver kpaa i hingir imbormnger yô.