Read tiv Upasalmi 122 Bible Online

Upasalmi 122 - tiv bible

Upasalmi 122

¹M ember zum u i kaa a mo er: Sé za nen hen iyou i TER yô.

²Angahar a ase tile ken ihindagar you, Yerusalem;

³Yerusalem u i maa un er gar u i zough un kpogholoo yô;

⁴henpe ikweior ka i kôndo, ka ikwe i TER je la; ka tindi u i we Iserael, sha u vea za sugh iti i TER yô.

⁵Gadia i ver mkônom ma torom heregh sha ci u ijirigh, ka mkônom ma torom ma hen ya u Davidi je la.

⁶Sôn nen ner: Bem a̱ lu ken Yerusalem; mba u doo ve ishima yô, ka ve, tar ua lagh ve ye.

⁷Bem a̱ lu ken atô u ugil ou, man mkpeyol kpaa ken ayou a tor a ou.

⁸Sha ci u anmgbianev av man akar a am yô, me kaa mer: Bem a̱ lu ken a we.

⁹Sha ci u iyou i TER, Aôndo wase yô, me ker mer, i̱ kpe u iyol. Ka icam i zan iniongo.