Read tiv Upasalmi 140 Bible Online

Upasalmi 140 - tiv bible

Upasalmi 140

¹Yimam, TERE, sha aferaior; kuram sha uipirambaiorov,

²mba ve henen akaabo ken asema a ve, man ve kohol iyol ayange ayange sha ci u num yô.

³Ve hor iniombor ve er ka i iyô nahan, megh ku igbindegh ku ve sha ijô.

⁴Kuram, TERE, sha ave a mbaaferev; kuram sha uipirambaiorov, mba ve we ishima u vea mgbegha angahar a am kera yô.

⁵Mbagengeseyol yer kwaghhônon sha u kôron mo, kua ikor kpaa; ve wa kper sha kpegbenda, ve hônom akaa. Sela.

⁶M kaa a TER mer: Ka We U lu Aôndo wam ye; yô, ver ato, TERE, sha imo i uzamber av.

⁷AÔNDO, Tere, We, agee a myom wam, Ú cirim ityough sha iyange i utya.

⁸TERE, de rumun Wer, i̱ er sha asaren a iferor ga, de rumun mhen na u ifer la Wer, a̱ due vough ga, sha er vea kende ayol a ve sha ga yô. Sela.

⁹Mba ve kasem ve kenden ityough sha la, ifer i ijô ve la, i̱ tser ve,

¹⁰akausu a kpenger kpenger a̱ haa ve iyol, i̱ kende ve ken usu, shin ahungwa a zan, henpe vea kera mough mayange ga yô.

¹¹Or u eren anger la, nana̱ de til dông shin tar ga; kwaghbo a̱ zenda ipiraor ityô, a̱ kôr un.

¹²M fa, TER Una nenge sha kwagh u or u ican i tser nan la, man Una er dedoo a mbaibanave kpaa.

¹³Mbaperapera vea wuese iti You kpee je; mbamimi vea tema sha ishigh You. Ka Pasalmi u Davidi