Read tiv Upasalmi 142 Bible Online

Upasalmi 142 - tiv bible

Upasalmi 142

¹M vaa a TER genger genger, m zamber a TER genger genger kpaa.

²M ngu pasen ican yam sha ishigh Nagh, m ngu ôron Un zayol wam.

³Zum u jijingi wam ure ken a mo yô, We U fa gbenda wam. Sha gbenda u m zenden sha mi la, ve hônom kwagh sha u.

⁴M jinge ken iyan kpa ma or u wan mo iko nan ngu ga, ape waren ngum ga, ma or u wan uma wam iko, nan ngu ga.

⁵M yila U TERE, m kaa mer: Ka We U lu ijiir yam i waren, kua kwar wam u ken tar u mbaumav kpaa ye.

⁶Wa iko sha mliam am, gadia m ngu seelee; yimam sha ikev i mbatôvon mo a ican, gadia ve hembam agee.

⁷Dughum ken gaadi kera, sha er me wuese iti You yô. Mbaperapera vea kasem, zum u Ú er a mo dedoo la. Ka Pasalmi u Davidi