Read tiv Upasalmi 20 Bible Online

Upasalmi 20 - tiv bible

Upasalmi 20

¹Ngun ka sha ci u orhemen u mbawanatsam. Ka Pasalmi u Davidi TER A̱ ungwa u sha iyange i ican, iti i Aôndo u Yakob i̱ kende a we sha;

²A̱ tindi u a iwasen hen icighanjiir, A̱ taver we ken Shion;

³A̱ umbur nagh ough cii, A̱ rumun nagh ough ku nanden. Sela

⁴A̱ na u sha isharen i ken ishima you, shi A̱ er sha awashima wou cii.

⁵Sé ember myom Wou; man ken iti i Aôndo wase yô, sé tim ityuta yase sha. TER A̱ er sha mbamsen ou cii.

⁶Hegen yô, m fa, TER ngu yiman u A shigh un mkurem la, Una rumun un sha icighanjiir Na u Sha, sha agee a sha uwegh Nagh ku yanegh ku yiman la.

⁷Mbagenev mba suur sha akekeautya, mbagenev yô, sha anyinya, kpa se yô, sea ter iti i TER, Aôndo wase.

⁸Ve yô, i shiligh a ve inya, ve gba; kpa se, se mough, se tile sha.

⁹TERE, yima tor, A̱ rumun se shighe u se yer yô.