Read tiv Upasalmi 36 Bible Online

Upasalmi 36 - tiv bible

Upasalmi 36

¹Kwaghbo ngu a ôr kwagh a iferor ken atô u ishima i nan; —nan cie Aôndo je ga—

²gadia ka nan bumen iyol i nan sha u kaan er, ifer i nan ia due, ia hingir kwagh u ndôhôrshima ga.

³Akaaôron a nan a ken zwa u nan ka a ifer man a icughugh kpaa; nan undu mfe nan de u eren dedoo kpaa;

⁴ka nan hen ifer sha gambe u nan, nan ver ishima i nan sha gbenda u u doo ga yô; kwaghbo ndôhôr nan ishima ga.

⁵TERE, erdoo Wou ngu je, ar sha Usha, mimi Wou ar sha abeen je.

⁶Perapera Wou ngu er iwo i Aôndo yô, ijirôron You ngi er ivmnger nahan; TER, U koson or kua inyamtoho kpaa.

⁷Aôndo, erdoo Wou ngu a inja je gande cii; ônov mba iorov mba yeren ken mure u akper a Ou,

⁸ahôm a ken ya Wou kuma ve kpekpe, U na ve ve ma ifi u uishar Ou.

⁹Gadia ka her a We imbor i uma i lu ye; ka ken iwanger You man se nenge a iwanger ye.

¹⁰Zer eren erdoo Wou a mba ve fe U yô, man perapera Wou kpaa a mba ve lu a asema a jighilii yô.

¹¹De rumun nguhar u orgengeseyol u̱ ndyaren mo ga, de deen uwegh ku mbaaferev ku̱ hurem kera ga.

¹²Ka keela mbaerenaferakaa ve gbe ye; i ta ve inya, ve kera fatyô u moughon ga. Ka Pasalmi u Davidi