Read tiv Upasalmi 57 Bible Online

Upasalmi 57 - tiv bible

Upasalmi 57

¹Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.

²M ngu yilan Aôndo Uhembansha, Aôndo u A eren akaa cii sha ci wam la.

³Una tindi Sha, á va yimam, Una hee u a ndyaren mo angahar la; Sela. Aôndo Una tindi erdoo Na man mimi Na.

⁴Uma wam ngu hen atô u ubegha, m ngu yaven hen atô u mba usu u lu hian ve la; ka ônov mba iorov mba anyi a ve a lu awange man avaan, nombor ve kpaa u lu sanker u esen yô.

⁵Kende a iyol You sha je, kar Usha cii, Aôndo; iengem You kpaa, i̱ kende i sha sha tar cii.

⁶Ve wa angahar am kper, uma wam var inya, ve timem ihungwa sha ishi, kpa ve gema ve gba shimi ayol a ve. Sela.

⁷Ishima taver mo, Aôndo, ishima taver mo; me wa icam, een, me wa atsam a wuese.

⁸Nder, we uma wam! Nder, we adiguve u vesen man u kiriki kpaa! Me nder sha use je.

⁹Me wuese We, Tere, hen atô u ior; me wa atsam a wuese We ken akuraior.

¹⁰Gadia erdoo Wou vese ar sha Usha je, mimi Wou kpaa ar sha ikwavaôndo je.

¹¹Kende a iyol You sha je, kar Usha cii, Aôndo; iengem You kpaa, i̱ kende i sha sha tar cii. Ngun ka sha ci u orhemen u mbawanatsam; i ver un sha ikenge i: De timin ga. Ka icam i Davidi