Read tiv Upasalmi 70 Bible Online

Upasalmi 70 - tiv bible

Upasalmi 70

¹Aôndo, shi yimama! TERE, er fefa, wasem!

²Mba ve keren mo a ku yô, ve̱ va ahenge, kunya u̱ kôr ve cii; man mba ve ember sha ican i eren mo kpaa, i̱ hile a ve ijime, i̱ hee ve.

³Mba ve kaa er: Ahoo! Ahoo! yô, i̱ hile a ve ijime sha ci u kunya u ve ye la.

⁴Mba ve keren We cii, ve̱ ember tsung, i̱ saan ve iyol ken a We; mba myom Wou a doo ve ishima kpaa, ve̱ zeren kaan er: Aôndo hemba!

⁵Kpa mo m ngu icanor man oribanave kpaa; Aôndo, er fefa u van hen a mo! Ka We U lu iwasen yam man Oryiman wam kpaa ye; de ngôôr ga, TERE!