Read tiv Upasalmi 8 Bible Online

Upasalmi 8 - tiv bible

Upasalmi 8

¹Ngun ka sha ci u orhemen u mbawanatsam; i ver un sha Gititi. Ka Pasalmi u Davidi TERE, Ter wase, iti You ngi a icivir sha won, gande cii, We u U ver iengem You sha Usha.

²Ka ken zwa u anikundanev man mbamanatumba U ver agee, sha ci u mbaahendanev Ou, sha u Ú yange mbaihomov man mbaoroniyev ayôôso ye.

³Er m veren ishima sha akaa a sha aôndo a a lu tôm u ahôaveegh Ou, ka uwer man asan a U ver a yô,

⁴or ngu nyi ve U umbur nana? man wan u or kpaa er U we nan iko yôô?

⁵Gadia U er nan shi kpuaa ma nan lu er Aôndo nahan, U cir nan iengem iyol kua icivir kpaa.

⁶U ver nan Wer, nana̱ tema tor sha ityom i ave Ou; U wa nan akaa cii sha ikev:

⁷iyôngo man abua cii, kua inyamtoho je kpaa,

⁸inyon i sha aôndo, man ishu i shin zegemnger, hanma kwagh u a zenden sha igbenda i shin zegemnger kpaa.

⁹TERE, Ter wase, iti You ngi a icivir sha won, gande cii!