Read tiv Upasalmi 95 Bible Online

Upasalmi 95 - tiv bible

Upasalmi 95

¹Va, sé wa nen icam i wuese TER, sé ember, sé ter nen vande u myom wase.

²Sé va nen sha ishigh Nagh a ishughun, sé ember, sé ter nen Un sha atsam a wuese.

³Gadia TER ka Aôndo u vesen, ka Tor u vesen u hemban mbaaôndo mbagenev ca je.

⁴Ka sha ikev Na man ajiir a zan a shin tar a lu ye; ityouv mbi iwoov kpaa ka mbi Nav je.

⁵Zegemnger ka u Na, ka Un A gbe un ye; ka ave Na man lu er tareghnyaagh ye.

⁶Va, sé gure, sé civir, sé ngurum nen, sé gure nen inya sha ishigh ki TER u A gbe se la.

⁷Gadia Wen ka Aôndo wase je, man se se mba ior Nav mba A koson se yô, man ilev mbi sha ikev Na. Nyian yô, ma ne shi ongo imo Na!

⁸De kera cighir nen asema a en er hen Meriba man er sha iyange i Masa ken desereti la ga,

⁹zum u uter enev meem, karem, shin er ve nenge tom Wam nahan kpaa.

¹⁰Anyom akunduahar je ishima lu vihin Mo a kov la, M kaa Mer, ka ior mba tsumen ken asema a ve, man ve fa igbenda Yam kpaa ga.

¹¹Ka nahan man M yuwe, M bum Mer: Vea kera nyôr ken mmem Wam ga ye.