Read tiv Anzaakaa 7 Bible Online

Anzaakaa 7 - tiv bible

Anzaakaa 7

¹Wan wam, wa akaaôron am iko, atindi am kpaa, koso a her a we.

²Wa atindi am iko, lu uma, ityesen yam kpaa, kura i er hongorshe wou nahan,

³kange a sha ahôaveegh a ou, nger a sha kpande u ishima you.

⁴Kaa a kwaghfan wer, u ngu anngôm u kwase je, gema yila mkav wer, huror wam,

⁵sha u vea kura u sha kwase ugen, ka kwase u i fe nan ga, u nan er kwagh sha zwanyohon yô.

⁶Gadia sha windou u iyou yam, m gbir ashe hen kper-windou wam,

⁷m nenge ken mbalanenkwagh, ken mbayevikaior, m nenge a wanyekwaor ugen u kaven kwagh ga,

⁸ngu karen sha gbenda ikua ikua iniuugh ki gbenda na, a kôr gbenda u hen ya na,

⁹shighe u aikighe aôndoaimegh, ken ateghôtôutu er ime wa yô.

¹⁰Nenge, kwase ugen za va, va kohol un a akondo a agbaga iyol, u lun a ishima i ayomough.

¹¹Ka idyurankwase u norom sha kwagh, angahar a na nga lun hen ya na ga;

¹²shighe ugen ka a lu sha igbenda, shighe ugen a lu hen ityembe, sha hanma iniuugh ki gbendagh a lian myer, a yengen.

¹³Tsô a kôr un, a suse un zwa, a lu ishigh sha nendaa, a kaa a na er:

¹⁴Iniav mbi bem mbi her a mo, nyian je m kure iceghzwa yam,

¹⁵ka nahan m dugh sha u keghen we gbenda ye, sha u keren ishigh you sha gbashima, tsô m zua a we ve.

¹⁶M tar ubutu mba legh legh sha gambe wam, man ingerenikondo i sha mou u sendan u Igipiti.

¹⁷M mishi akaahumandoon sha gambe wam, ka mire man alue man shinamon.

¹⁸Yô, sé za ya dooshima sé ide zan zan sev mbu̱ av; i̱ doo se iyol a dooshima.

¹⁹Gadia orya ngu hen ya ga, a za zende u caa je;

²⁰a za a ikpanyar je, ka ken atôuweregh una hide ye.

²¹A mee un sha kwaghôron na u dedoo yum la, sha zwanyohon na la a hemba un.

²²Maa a dondo un fese, er bua u zan hen ijiir i sôngon yô, man er or u i kange nan i ze a nan hen mtsaha u ibumeor yô,

²³zan zan ivaan i ta un sha mtema tsula; er inyon i yemen fefa hen kwaghhônon yô, a kera fa er i lu sha ci u msaa u uma na je ga.

²⁴Hegen yô, ônov, ver nen ato her a mo, wa nen kwaghôron u sha zwa wam iko.

²⁵Ishima you i̱ de goom i̱ ze sha igbenda na ga, de kera kahan sha igbenda na ga.

²⁶Gadia a zôhô ior kpishi a ta ve inya a gber ve avav, mba a wua ve la cii, ka zegeikumior je.

²⁷Ya na ka igbenda i zan shin Sheol je, i tingir i sen shin ayou a kuugh.